_99.jpg)
Xəbər lenti
Deputat:"ABŞ prezidenti tarixi əsası olmayan bir yalan üçün Türkiyə və Azərbaycanı narazı salan fikirlər səsləndirməməli idi"
Toplum olduqları halda özlərinə millət adı qoyub qondarmalıqlarla dünyada imic qazanmağa çalışan ermənilər yenə susmaq bilmir. Pay hesabına qurduqları Ermənistan dövlətinin belə onlara aid olmadığını bildikləri halda tarixi saxtalaşdırmaq, uydurma iddialar yürütmək xislətlərindən əl çəkmirlər. Məzlum görkəm arxasında gizlənən, təcavüzkar erməni toplumu qondarma “soyqırımı” iddiaları ilə yenə gündəmdədirlər. 100 ildən artıqdır dünyanı bu saxta, yalan tarixə inandırmağa çalışır, əslində isə bu iddia ilə böyük dövlətlərin oyuncağına çevrildiklərinin fərqinə varmırlar. Hər il eyni dəyişməz yazıq obrazlarında dünyanın ətəyinə yıxılıb törənməmiş cinayətə "cəza" istəyən toplum, bu il də öz ampluasındadı. Sözzsüz ki artıq dünya da erməni yalanına, məkrinə bələd olub. Ancaq buna baxmayaraq öz çirkin əməllərindən əl çəkməyən erməni şovinistləri ABŞ prezidentinin çıxışında qondarma “soyqırımı” sözünü işlətməsinə çalışdılar və buna nail oldular. Əslində C. Baydenin bu ifadəni işlətməsi başqa siyasi oyunların təzahürüdür ki, bunu da siyasətçilər şərh edir.
Manevr.az xəbər verir ki, məsələ ilə bağlı fikirlərini bölüşən Milli Məclisin deputatı Müşfiq Məmmədli bildirib ki, ermənilər yüz ildən çoxdur ki, qondarma “soyqırımı” iddiası ilə öz çirkin niyyətlərini həyata keçirməyə çalışırlar. Bəzi xarici qüvvələrin zaman-zaman bu yalanı “təftiş etmək” arzusu isə Türkiyəyə və müəyyən hallarda isə Azərbaycana qarşı siyasi təzyiqlərin göstərilməsi ilə bağlıdır: “Təbii ki, bundan istifadə etməyə çalışan beynəlxalq güclər mövcuddur. Onlar dərk edirlər ki, Türkiyə-Azərbaycan birliyinin regional gücə çevrilməsi ermənilərin illərdir yaymağa çalışdıqları yalanları da ifşa edəcək. Bu səbəbdən də, zaman-zaman bu yalanı gündəmə gətirməyə və təftiş etməyə çalışırlar. Qondarma “soyqırımı” iddiasının “ildönümü” ilə bağlı hər kəsin diqqəti ABŞ-a yönəlmişdi və hər kəs ədalətli nəticə gözləyirdi. Ağlasığmaz nəticə, böyük bir dövlətin başçısının araşdırılmamış, tarixin heç bir səhifəsində yer almamış qondarma "faciə"ni təsdiqləyən "soyqırım" ifadəsini səsləndirməsi çox təəssüf doğurur və qəbuledilməzdir. Fikrimcə, ABŞ prezidenti öz çıxışında maksimum ehtiyatlı davranmalı və tarixi əsası olmayan bir yalan üçün Türkiyə və Azərbaycan kimi dövlətləri narazı salan fikirlər səsləndirməməli idi”.
Sevinc Qərib
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Media
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar