.png)
Xəbər lenti
Bakıdan İrəvana boş qayıdan təyyarə: razılaşmanı kim pozdu? – TƏHLİL
İlham Əliyevi Putinlə söhbət qane etmədi, yaxud Ermənistan son anda razılaşmanı pozdu. “Əsir” məsələsi ətrafında baş verənlər iki fərqli nəticəni çıxarır.
Dünən saat 20:46-də Prezidentin mətbuat xidməti İlham Əliyevlə Putinin telefon söhbəti haqda məlumat yaydı: tərəflər Qarabağ ətrafındakı vəziyyəti müzakirə edib;
22:16-da “Sputnik armenia” bir qrup “hərbi əsir”in İrəvan yolunda olduğu xəbərini yaydı;
22:47-də Ermənistan tərəfi təyyarənin boş qayıtdığını açıqladı…
Maraqlı proseslər gedir və xəbər axını müəyyən ehtimallar irəli sürməyə imkan verir.
Mümkündür ki, Bakı şərtlərinin bir qisminin yerinə yetirilməsi qarşılığında “əsirlərin” bir neçəsini verməyə razı olub. Moskva görüşündən sonra Rusiya baş prokuroru İqor Krasnovun İrəvanda Paşinyanla görüşü, ardınca Əliyevin görüşünə gəlişi də bununla bağlı olub. Lakin son anda qərar dəyişdirilib.
Birinci versiya: Əliyev Putinlə telefon söhbətindən məmnun olmayıb; Rusiya “İsgəndər – M” məsələsinə, o cümlədən, 10 noyabr razılaşmasının 4-cü bəndinin yerinə yetirilməsinə lazımi həssaslıq göstərmir və Bakı qərarından vaz keçərək, təyyarəni boş göndərir, hərçənd, xəbər axını versiyanı zəiflədən məqamlardandır; Əliyevlə Putinin söhbətindən sonra “əsirlərin” qaytarılması xəbəri yayıldı, ardınca təyyarə boş yola düşdü.
İkinci versiya: Putin Paşinyanla məsələləri razılaşdırır, ardınca Bakının şərtlərinin (indiki halda bu şərtin erməni qoşunlarının çıxarılması olması ehtimalı öndədir) yerinə yetirilməsi qarşılığında “əsirlərin” bir qisminin qaytarılması məsələsini Əliyevlə müzakirə edir (Prezidentin mətbuat xidmətinin yaydığı informasiyanın mətni Əliyevlə Putinin söhbətinin müsbət məcrada keçdiyi fikrini gücləndirir) və Bakıda olan təyyarə İrəvana uçmağa hazırlaşır; lakin son anda Ermənistan tərəfi Bakının qərarını dəyişdirəcək, həm də ümumi razılaşmanı pozacaq addım atır.
Hələki ehtimallar bu yöndədir, hərçənd, “nə baş verib” sualı qaranlıq olaraq qalır. Bu kontekstdə Qarabağdan gələcək xəbərlər və qarşıdakı günlərdə baş verən proseslər məsələyə aydınlıq gətirməyə kömək edə bilər. /modern.az/
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar