_99.jpg)
Xəbər lenti
Nəcməddin Sadıkovun bu görüntüləri gündəm oldu - VİDEO
Ötən gündən etibarən sosial şəbəkələrin Azərbaycan seqmentinin gündəmində Müdafiə Nazirliyinin sabiq Qərargah rəisi Nəcməddin Sadıkovdur.
Müdafiə nazirinin sabiq müavininin olduğu iddia edilən video ən çox paylaşılanlar sırasındadır.
Hansı tarixdə çəkildiyi bilinməyən videoda general-polkovnikin Dubayda istirahət etdiyi, dəniz kənarında günəşləndiyi görünür. 64 yaşlı generalın bu davranışı birmənalı qarşılanmayıb və müzakirələrə səbəb olub.
Belə ki, Vətən müharibəsində heç bir payı olmayan Sadıkovun belə həssas məqamda, xüsusən, hələ də hospitallarda qazilərin müalicə aldığı bir vaxtda xaricə üz tutması, özünə günə verməsi tənqid olunub.
Videoya zarafatla yanaşanlar da olub, buna əsəbi reaksiya verənlər də. Sadıkovu qınayanların ən çox müzakirə etdiyi məsələ isə generalın Qərargah rəisi olduğu halda Vətən müharibəsində heç bir payı olmaması və bu səbəbdən təltif edilməməsidir.
Məsələ burasındadır ki, hələ müharibənin gedişində Sadıkovun vəzifədən uzaqlaşdırılmasına dair xəbərlər yayılmışdı, onun adı MN-in rəsmi saytından belə yığışdırılmışdı. Bu xəbər isə yalnız müharibədən sonra təsdiqini tapdı. 44 günlük Vətən müharibəsindən sonra aydın oldu ki, Sadıkov ehtiyata buraxılıb. Bu durumda bir çoxları Sadıkovun bu şəkildə gedişini səbəbsiz hesab etmir. Böyük əksəriyyət düşünür ki, Sadıkov indi Dubayda yox, sorğu-sual qarşısında olmalıydı...
Onu da qeyd edək ki, Sadıkovun Dubayda istirahəti ilə bağlı bir sıra "caps"lar da düzəldilib. Bu maraqlı "caps"ların birində isə Vətən müharibəsində generaldan fərqli olaraq, qəhrəmanlığı ilə yadda qalan Topçu Vüsal da yer alıb. İlk baxışdan generalla əsgərin duruşu, baxışı eyni görünsə də, təbii ki, şəkillərin çəkildiyi yer və şərait bir-birindən çox fərqlidir. Əslində, "caps"lar altyazı ilə təqdim olunur. Amma bu fotoda alt yazıya ehtiyac duyulmayıb. Çünki şəkil özü
danışır...(qafqazinfo.az)
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar