.png)
Xəbər lenti
"Əli Həsənov mütləq cəzalandırılmalıdır" - Prezident İlham Əliyevə müraciət
"Hörmətli Prezidentim!
Artıq xeyli müddətdir ki, müxtəlif informasiya vasitələrində, xüsusən də saytlarda Prezident Aparatı ictimai -siyasi şöbəsinin keçmiş müdiri Əli Həsənovun törətdiyi çirkin əməllər barədə kifayət qədər dolğun məlumatlar yer almaqdadır . Onların əksəriyyətində bu adamın tezliklə həbs ediləcəyi haqqında müxtəlif mülahizələr yürüdülür - biri yazır sabah tutacaqlar, biri yazır bu yaxınlarda, biri də yazır az qalıb ... Mənimsədiyi pulların məbləği təxmini bəlli (dəqiqliyini bəlkə heç özü də bilmir), qanunsuz ələ keçirdiyi obyektlərin siyahısı təxmini bəlli, ən əsası da mətbuatımıza vurduğu sağalmaz yaralar ...hamısı bəllidir.
Mənim yaşım o deyil ki, kiminsə tutulmasını istəyim, Allah bütün içəridə yatanların qapısını açsın, amma Əli Həsənov mütləq cəzalandırılmalıdır...
Vaxtı ilə şəhərin gözəgəlimli ərazilərində yerləşən kitab mağazalarını ələ keçirmək üçün böyük bir nazirliyi -Mətbuat və İnformasiya Nazirliyini ləğv elətdirdi. Bundan kim qazandı - kitab oxuyan əhali...yox, kitab çap edənlər...yox, nəşriyyatlar...yox. Nə qədər insanın haqqı yeyildi, nə qədər insan işsiz qaldı , qazanan isə yalnız Əli Həsənov və yaxın ətrafı oldu, dövlətin yürütdüyü siyasi xətti, idealogiyanı təbliğ etmək əsas vəzifəsi olan mətbuatı bərbad günə qoydu .
Bu gün çoxlu sayda özəl nəşriyyatlar açılıb, çap etdiklər kitabları satmağa yer tapmırlar, nə qədər qəzetlər çıxır (Əli Həsənov vaxtında onlara da ayrı -seçkilik qoymuşdu), lakin bunların fəaliyyətini koordinasiya edəcək bir təşkilat yoxdur. KİVİDD Fondu bu işi görmək əvəzinə başqa yöndə fəaliyyət göstərdi ...
Mətbuatı (istər kitabı, istər qəzeti) bu günlərə salan birinci günahkar isə Əli Həsənovdur, bunu mətbuata ürəyi yanan istənilən şəxs təsdiqləyər.
Siz onu cəzalandırmaqla, onun əməllərindən əziyyət çəkmişlərin ən azı mənəvi borcu ödənmiş olacaq."
Rauf Məmmədzadə,
Azərbaycan Jurnalistlər Birliyinin üzvü,
"Qızıl Qələm" mükafatı laureatı.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar