.png)
Xəbər lenti
Qazaxıstanlı qonaqlar Gəncə və Bərdədən sonra, Şamaxıda olublar -ŞƏKİLLƏR
Azərbaycanda gedən Vətən müharibəsinin tarixini izləmək və şahidi olmaq üçün Bakıya səfər edən qazaxıstanlı politoloqlar, bloqerlər və jurnalistlər, Ermənistan hakimiyyəti tərəfindən Gəncə və Bərdədə törədilən terror aktlarının nəticələri ilə tanış olduqdan sonra, Şamaxı şəhərinə səfər ediblər.
Şamaxı şəhərində qonaqları İcra hakimiyyətinin başçısı Tahir Məmmədov qarşılayıb. Görüşdə iştirak edən nümayəndə heyətinin rəhbəri, Beynəlxalq Türk akademiyası prezidentinin müşaviri Füzuli Məcidli Qazaxıstandan Vətənimizə səfər edən qonaqların arzu və məramları haqqında icra başçısına məlumat veib. İcra başçısı T.Məmmədov öz növbəsində qonaqlara Şirvanşahlar dövlətinin paytaxtı olan Şamaxı şəhərinin tarixindən, bugünkü inkişafından, bu yurdun dünya ədəbiyyatına bəxş etdiyi şəxsiyyətlərdən, ədəbi mühitindən, eləcə də Vətən uğrunda canlarından keçən şəhidlərindən və qazilərindən danışıb.
Daha sonra qonaqlar Qarabağ uğrunda döyüşlərdə Şuşanın azad olunması zamanı qəhrəmanlıqla həlak olan şəhid Nəcəf Şikar oğlu Şikarovun ailəsinə baş çəkib, yas mərasimində iştirak ediblər. Azərbaycanlı oğulların qəhrəmanlıq səlnaməsini kinolentinə köçürən qazaxıstanlı jurnalistlər Nəcəf Şikarovun da ailə üzvlərinin də xatirələrini lentə alıblar. Nümayəndə heyətinin ağsaqqalı jurnalist Serik Meleev şəhidin atası Şikar Şikarova başsağlığı verərkən bildirib ki, bütün qazax xalqı azərbaycanlıların öz doğma torpaqları uğrundakı mübarizəsində göstərdikləri qəhrəmanlıqları ilə fəxr edirlər, Azərbaycan prezidenti İlham Əliyevin çıxışlarını sevinc və vüqarla izləyirlər. Azərbaycanın müharibədə qazandığı qələbəni isə öz bayramları kimi qeyd ediblər. Və buna görə də bu gün böyük bir heyyət Azərbaycanda səfərdədir. O bildirib ki, Azərbaycanın uğru və sevinci həm də qazax xalqının sevincidir.
Görüşlərin sonunda qazaxıstanlı bloqerlər, jurnalist və politoloqlar VIII əsr abidəsi Cümə məscidi ilə tanış olublar. Məsçidin axundu Hacı Məhəmməd məscidin tarixindən, ermənilərin 1905 və 1918-ci illər ərzində Şamaxıda törətdiyi qırğınlar haqqında ətraflı məlumat verib. Ziyarətçilər Azərbaycan şəhidlərinin ruhuna dua oxuyublar.
Aida Eyvazlı
Manevr.az
[/center]
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar