Xəbər lenti
Əmin ola bilərsiniz ki, bu hücumlar cavabsız qalmır - Prezidentin köməkçisi
Ermənistan siyasi rəhbərliyinin Azərbaycana qarşı müharibə və hərbi cinayətləri davam etməkdədir. Bu gün Gəncə, Füzuli, Horadiz, Beyləqan və Tərtər şəhərlərinə hücumlar edilib.
Manevr.az xəbər verir ki, bunu Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev bu gün keçirilən brifinqdə deyib:
"Ermənistanın mülki obyektləri hədəfə almaqda məqsədi düşünülmüş hərbi strategiyadır. Uzun müddət ərzində Ermənistan tərəfindən bu praktika tərtib edilir. Hücumlar nəticəsində Azərbaycanın müxtəlif şəhər və məntəqələrinə 10 mindən artıq mərmi atılıb. Ermənistan silahlı qüvvələri və siyasi rəhbərliyi kütləvi şəkildə Azərbaycanın şəhər və rayonlarını bombalamağa davam edirlər. Bu, onların təcavüzkarlıq siyasətinin tərkib hissəsidir. Buna görə də, Ermənistan Respublikası kütləvi şəkildə insanların yaşadığı yerlərdə bu addımları ataraq Ermənistanın terrorçu dövlət olduğunu göstərir. Əmin ola bilərsiniz ki, Azərbaycan tərəfindən bu kimi hücumlar cavabsız qalmır və düşmənə adekvat cavablar verilir".
H.Hacıyevin sözlərinə görə, "Azərbaycanın işğal olunmuş ərazilərinin düşməndən azad olunması istiqamətində səylər davam etdirilir. Ermənistan siyasi rəhbərliyinə mesaj verildi ki, mülki əhalinin vurulmasından uzaq dursunlar. Azərbaycan Respublikasının Silahlı Qüvvələri isə dəqiq raket zərbələri həyata keçirirlər. Ermənistan tərəfindən Azərbaycanın yaşayış məntəqələrinə raket zərbələri Ermənistanın öz ərazisindən həyata keçirilir. Ermənistanın işğal olunmuş ərazilərində hərbi mövcudluğu bütün region üçün təhlükə mənbəyidir".
O bildirib ki, Tərtər, Horadiz, Ağdam rayonunun sakinləri qorxmadan Ermənistanın hücumları qarşısında sinə gərirlər: "Bunların hamısı sənədləşdiriləcək və beynəlxalq ictimaiyyətin diqqətinə çatdırılacaqdır".
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar