Xəbər lenti
Sabiq nazir orduya iki avtomobil hədiyyə etdi - ŞƏKİL
Qərbi Kaspi Universiteti Dövlət Sərhəd Xidməti Qoşunlarına 2 avtomobil hədiyyə edib.
Bununla bağlı məlumat universitetin saytında yerləşdirilib:
"Məlumdur ki, işğalçı öz təcavüzkar hərəkətlərini yalnız cəbhə xəttində deyil, sərhədçilərimizin keşiyini çəkdiyi, cəbhə xətti olmayan - iki dövlətin sərhəd bölgələrində də davam etdirir və sərhədçilərimiz düşmənin təcavüzünü dəf edərək, ona layiqli cavab verir.
Azərbaycan Silahlı Qüvvələrinin hərbi-texniki bazası kifayət qədər komplektləşdirilib. Ancaq bu gün hər birimiz ordumuzun yanında olmalı, ona dəstəyimizi ifadə etməliyik. Bu məqsədlə Qərbi Kaspi Universiteti 2 ədəd – 99 AR 759 dövlət nömrə nişanlı VAZ 21213 (“Niva”) markalı, 10 PT 154 dövlət nömrə nişanlı Nissan Navarra (“Pickup”) markalı avtomobili Dövlət Sərhəd Xidmətinə cəbhə bölgəsində istifadə üçün hədiyyə olaraq təqdim edib.
Ümid edirik ki, bu kiçik hədiyyə Tovuzda, Daşkəsəndə, Gədəbəydə çətin keçilən dağlıq ərazilərdə düşmən artilleriyasının altında sərhədlərimizi qoruyan sərhədçilərimizə az da olsa, kömək edəcək.
İnanırıq ki, Ali Baş Komandanımız, Prezident İlham Əliyevin rəhbərliyi altında Azərbaycan Ordusunun işğalçı Ermənistanın növbəti təcavüzünə cavab olaraq başlatdığı əks-həmlə əməliyyatları nəticəsində torpaqlarımız düşmən tapdağından azad olunacaq, üçrəngli bayrağımızın Şuşada, Xankəndidə dalğalanacaq və Azərbaycan dövlətinin bütün sərhədləri tam şəkildə nəzarətə götürüləcək.
Səninləyik Ali Baş Komandan! Səninləyik Azərbaycan Əsgəri!" - deyə məlumatda bildirilir.
Qeyd edək ki, Qərbi Kaspi Universiteti (əvvəlki Qərb Universiteti) 1991-ci ildə Hüseyn Bağırov tərəfindən təsis edilib. Hazırda o, universitetin Qəyyumlar Şurasının sədridir və həmin universitetdə pedaqoji fəaliyyətlə məşğuldur.
Hüseyn Bağırov 2001-2018-ci illərdə Ekologiya və Təbii Sərvətlər naziri olub.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar