.png)
Xəbər lenti
Onları ordudan general Sadıqov qovmayıb - Polkovnik
Bütün hərbçilər və hərbi hissələrdə işləyən mülki şəxslər Baş Qərargah rəisinin hərbi hissələr və ətraf ərazilərində smartfon tipli telefonlardan istifadəsinə dair əmri ilə tanışdırlar və tanış olduqlarına dair sənədə imza atırlar. Əgər əmrdə göstərilən tələblərə kimsə riayət etmirsə, bu, əmrin pozulması deməkdir və cəzası da mütləq olmalıdır.
Manevr.az xəbər verir ki, bu sözləri axar.az-a ehtiyatda olan polkovnik Şair Ramaldanov ötən gün bəzi hərbi qulluqçuların Azərbaycan Ordusunda smartfon tipli telefonlardan istifadənin qadağan olunması barədə müvafiq əmrin tələblərini kobud şəkildə pozmasına görə ehtiyata buraxılmasını şərh edərkən deyib.
Ş.Ramaldanov bildirib ki, Goranboy istiqamətində Ermənistan ordusunun kəşfiyyat-diversiya qrupunun rəhbəri, baş leytenant Qurgen Alaverdyanın tutulmasında iştirak edən hərbçilərin Baş Qərargah rəisi, general-polkovnik Nəcməddin Sadıqovun əmri ilə ordudan qovulması barədə yayılan xəbərlər tamamilə yalan və dezinformasiyadır:
“Çünki tərxis haqda qərarı Baş Qərargah rəisi vermir. Hansı səbəbdən olursa-olsun, istənilən bir hərbçinin ordudan uzaqlaşdırılması halı ciddi araşdırılır. Həmin araşdırmanın nəticəsi pillə-pillə yuxarı vəzifəli şəxslərə təqdim olunur. Bütün bu qurumlar təqdimatda hərbçinin tərxis olunması ilə bağlı təklif verirsə, Baş Qərargah rəisi öz səlahiyyətləri çərçivəsində bu təqdimatı əmrləşdirir. Yəni hərbçilərin ordudan uzaqlaşdırılmasına dair qərarı digər komandirlər verir”.
Polkovnik deyib ki, ordudan tərxis edilən hərbçilər heç də Ermənistan ordusunun kəşfiyyat-diversiya qrupunun rəhbəri, baş leytenant Qurgen Alaverdyanın tutulmasında iştirak edənlər deyil:
“Tərxis olunan hərbçilər sadəcə Qurgen Alaverdyan əsir edilib gətirilərkən orada olub və bu zaman çəkiblər. Ordu sıralarından uzaqlaşdırmalarının əsas səbəbi isə məxfi sirləri vaxtından öncə sosial şəbəkələrdə yaymalarıdır. Bütün hərbçilər bilir ki, orduda smartfon telefonlarından istifadə edilməsi qəti şəkildə qadağandır. Bu məsələ ilə bağlı ordudan uzaqlaşdırma halı ilk deyil”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar