Xəbər lenti
Maslyakovdan Azərbaycana qarşı təxribat - "DQR" komandasını KVN-in səhnəsinə çıxardı
Görünür, Qarabağın “KVN”in Soçidəki festivalında səhnəyə çıxıb-çıxmayacağı ilə bağlı məsələni bağlanmış hesab etmək olar: çünki Qarabağ separatçıları hansı yollasa artıq orada peyda olublar. Hər halda erməni KİV-i, o cümlədən Novosti Armeniya bu barədə, sanki acıq verirlərmiş kimi, məlumatlar yayırlar.
Həm də bu Azərbaycanın Xarici İşlər, İdman və Gənclər nazirliklərinin, eləcə də Azərbaycan ictimaiyyətinin ciddi və əsaslı etirazlarına baxmayaraq baş verib.
Yeri gəlmişkən, iki gün əvvəl “KVN”in aparıcısı, “AMİK” Televiziya Yaradıcılıq Birliyinin baş direktoru Aleksandr Maslyakov rəsmi Bakının qondarma qurumdan olan komandaların festivala dəvət olunmasına göstərdiyi mənfi reaksiyaya münasibət bildirərkən demişdi: ""DQR"in komandaları heç vaxt beynəlxalq festivalda iştirak etməyib. Festivala dəvət “KVN” saytında qeydiyyatda olan bütün istifadəçilərə avtomatik olaraq göndərilir. “KVN” həmişə siyasətdənkənar və millətlərarası münaqişələrin qızışdırılmasına qarşı olub". Amma…
Hazırda “DQR” “KVN”inin Soçidə olan nümayəndəsi Georgi Avetisyan bildirib ki, komanda artıq festivalın birinci turunda çıxış edib və nəticələri gözləyir.
"Mən onunla razıyam ki, “KVN” siyasətdənkənardır və bir gənclər oyunudur, hansında ki, çox ölkələrdən gənc şən və hazırcavab uşaqlar oynayırlar, bizim komandamız "Stepanakertdəndir””, - deyə Avetisyan Novosti Armeniya-nın əməkdaşı ilə söhbətində deyib.
O bildirib ki, “KVN”çilər heç vaxt siyasətə qarışmırlar, heç vaxt oyunu siyasiləşdirmirlər. "Bizim tək hədəfimiz “KVN”də oynamaq olub", - Avetisyan vurğulayıb.
Amma görün Novosti Armeniya ortaya necə alçaldıcı nəticə qoyur: "Soçidə "Dağlıq Qarabağ Respublikası" komandası yox, “Stepanakert” komandası çıxış edir. Beləliklə, festivalda "Stepanakert" komandasının iştirakı haqda Azərbaycanın isterikası növbəti dəfə iflasa uğradı".
Nə demək olar, əgər bizim “KVN”çilərimiz Soçidədirlərsə və separatçılarla bir səhnədə çıxış etməyə hazırdırlarsa, deməli, onlar onunla razıdırlar ki, "Stepanakert” komandası "DQR" separatçı rejiminin nümayəndələri deyillər…(Virtualaz.org)
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar