.png)
Xəbər lenti
Belarus prezidenti həm Qərbin, həm də Kremlin onu devirmək istədiyini bəyan edir
Belarus prezidenti Aleksandr Lukaşenko yaxın vaxtlarda ölkəsində keçiriləcək prezident seçiciləri ilə bağlı yaranan vəziyyəti Rusiya prezidenti Vladimir Putinlə müzakirə edəcəyini deyib. Burada Belarus dövlət başçısı Kremlin onların daxili işlərinə qarışması ilə bağlı şikayətini çatdıracaq.
Manevr.az xarici agentliklərə istinadən xəbər verir ki, Aleksandr Lukaşenko ondan şəffaf və düzgün seçkilərin keçirilməsini tələb edən rəqiblərinin özlərini dürüst şəkildə aparmadıqlarını, arxalarında isə onları “kukla kimi oynadan” Rusiya və Polşanın durduğunu söyləyib.
“Hazırda mənə qarşı ən müasir saxta texnologiyalardan istifadə edilir”,-deyə prezident dövlətin rəsmi “BelTA” agentliyinə müsahibəsində bildirib.
Onun sözlərinə görə, internetdə iqtidarı gözdən salan “feyk” informasiyalar yayılır. Bunlardan biri də onun oğullarının adına İsveçrə banklarının birində 840 milyon dollarlıq hesabının olması barədə xəbərdir. “Diplomatik kanallarla həmin banka məktub göndərin. Kim həmin pulları tapa bilsə, hamısını özünə götürsün”,-deyə A.Lukaşenko qəzəbini ifadə edib. Belarus prezidenti bu cür informasiyaların arxasında Rusiyanın bəzi strukturlarının durduğunu açıqca söyləyib.
Qeyd etmək lazımdır ki, Belarus prezidentliyi uğrunda seçkilər bu ilin avqust ayının 9-da keçiriləcək. Hazırda müxtəlif təşəbbüs qrupun irəli sürdüyü namizədlərin qeydə alınması prosesi gedir. Alakesandr Lukaşenkonun əsas rəqibi isə iş adamı, “Belqazprombank”ın keçmiş rəhbəri Biktor Babariko sayılır.
Mətbuat isə Belarus liderinin Moskvada keçirilən parad zamanı “qiyamçı” davranışlarına diqqət yetirib. Belə ki, Rusiya prezidenti parad barədə müdafiə naziri Sergey Şoyqunun hesabatını dinləyən zaman tribunada hər kəs qalxdığı halda, A.Lukaşenko yerindən tərpənməyib.
Naməlum əsgərin məzarına gül qoyulması mərasimi zamanı isə o, Vladimir Putinlə yanaşı durmamaq üçün nümayişkaranə şəkildə yerini dəyişib.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar