.png)
Xəbər lenti
Artıq hər kəs başa düşməlidir: Putin böhrandır, Putin müharibədir
Rusiyanın Sankt-Peterburq şəhərində siyasətçi Boris Nemtsovun xatirəsi üçün keçirilən yürüş zamanı yeddi nəfər saxlanılıb.
Bu barədə məlumatı “OVD-İnfo” nəşri yayıb.
Nevsk prospektində bir piketçi “Artıq hər kəs başa düşməlidir: Putin böhrandır, Putin müharibədir” plakatı ilə saxlanılıb.
“Mediazonı” nəşrinin müxbiri yazır ki, aksiyaya min nəfərə yaxın insan gəlib. Yerli hakimiyyət orqanları yürüşün keçirilməsi haqda iki gün əvvəl razılıq veriblər.
Vladivostokda polisə gətirilən 4 piketçi “profilaktik söhbət”dən sonra evə buraxılıb.
Xatirə tədbirləri Moskva, Novosibirsk, İrkutsk, Yekaterinburq və digər şəhərlərdə keçirilib.
Moskvada razılaşdırılmış yürüş “Strastnıy” bulvarından “Akademik Saxarov” prospektinə qədər baş tutub.
“Ağ sayğac” nəşrinin məlumatına görə, yürüşün keçirildiyi məkana 22,3 min nəfər gəlib. DİN-in Moskva İdarəsi isə 8 min nəfərin gəldiyini deyib.
Qeyd edək ki, Boris Nemtsov 2015-ci il fevralın 27-də Kreml yaxınlığındakı “Böyük Moskvorets” körpüsündə güllələnib.
2017-ci ildə ehtimal olunan qatil Zaur Dadayev həbs edilərək 20 il müddətinə ağır rejimli cəzaçəkmə müəssisəsinə göndərilib. İş üzrə təqsirləndirilən digər şəxslər 11 ildən 19 ilədək cəza alıblar. Qətlin sifarişçiləri hələ də tapılmayıb.
Fevralın 27-də Rusiya Prezidenti Vladimir Putin Boris Nemtsovun qətlinin təşkilində şübhəli bilinən Ruslan Geremeyevin doğma əmisi, Çeçenistanı Federasiya Şurasında təmsil edən Süleyman Geremeyevi II dərəcəli “Vətən qarşısında xidmətlərinə görə” ordeni ilə təltif edib. siam.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar