.png)
Xəbər lenti
Xaçmaz məktəblilərinə multikultural dəyərlərdən danışılıb - FOTOLAR
Jurnalist təşkilatı Xaçmazda məktəblilər arasında multikultural dəyərləri təbliğ edib
“Jurnalist Araşdırmaları Mərkəzi” İctimai Birliyi Xaşmaz rayon İcra hakimiyyətinin dəstəyilə “Azərbaycan multikulturalizminin mediada təbliği” adlı tədbir keçirib. Xaçmaz rayonunun Nərəcan kəndində baş tutan tədbirdə yerli icra hakimiyyətinin əməkdaşları, QHT rəhbərləri, jurnalistlər və orta məktəb şagirdləri iştirak ediblər.
“Jurnalist Araşdırmaları Mərkəzi” İctimai Birliyinin sədri Seymur Verdizadə Azərbaycan xalqına xas olan multikultural dəyərlərin mətbuatda təbliği istiqamətində görülən işlərdən danışıb. Jurnalist qeyd edib ki, ölkəmizdə fəaliyyət göstərən KİV-lər heç vaxt dini və etnik ayrıseçkiliyi təbliğ etməyiblər. Natiq bildirib ki, bu cür tədbirlərin keçirilməsində əsas məqsəd ölkəmizdə hökm sürən sağlam mənəvi mühitin inkişafına təhfə verməkdir.
JAM sədri deyib ki, Azərbaycan xalqı dədə-babalarımızdan bizə miras qalmış milli-mənəvi dəyərlərə, dövlət-din münasibətlərinə həmişə həssas yanaşıb: “Bu isə bir daha sübut edir ki, tolerantlıq Azərbaycan xalqının ruhuna hopub”.
Xaçmaz rayon İcra Hakimiyyətinin İctimai-siyasi və humanitar məsələlər şöbəsinin müdir müavini Ceyhun Musayev əvvəlcə rayonun etnik mənzərəsi barədə məlumat verib. İcra Hakimiyyətinin əməkdaşı deyib ki, müxtəlif xalqların nümayəndələri Xaçmazda yüz illərdi bir yerdə yaşayır, ölkənin ictimai-siyasi, sosila-iqtisadi, mədəni həyatında yaxından iştirak edir, Azərbaycan dövlətinin tərəqqisinə öz töhfələrini verirlər. C.Musayev vətəndaş cəmiyyəti institutlarının bu prosesdə iştirakını müsbət qiymətləndirərək, QHT-lərlə əməkdaşlığı gələcəkdə də davam etdirməyə hazır olduqlarını bildirib.
“Türkiyə Universitetləri Məzunları” İctimai Birliyinin sədri Çingiz Bayramov multikultural dəyərlərə sadiq olan cəmiyyətlətin qazandığı uğurlardan danışıb. Qeyd edib ki, Azərbaycan mədəniyyətlərin qovuşduğu məkanda yerləşdiyi üçün həmişə dinlər və svilizasiyalar arasında aparıcı rol oynayıb: “Azərbaycanda mövcud olan birgəyaşayış modeli təkcə Qafqaz xalqları deyil, bütövlükdə dünya üçün yaxşı nümunədir”, - deyə Ç.Bayramov bildirib.
TUMİB başqanı Prezident İlham Əliyev tərəfindən 2016-cı ilin “Multikulturalizm ili” elan olunmasını mühüm tarixi hadisə kimi qiymətləndirib. İctimai Birlik sədri əmin olduğunu bildirib ki, ölkəmizdə fəaliyyət göstərən vətəndaş cəmiyyəti institutları bu istiqamətdə apardıqları maarifləndirmə işini 2017-ci ildə də davam etdirəcəklər.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Kriminal
Yazarlar
Emil Rasimoğlu
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Sorğu
Portalımızı dəyərləndirin.
Çox oxunanlar