.png)
Xəbər lenti
Ermənistan ombudsmanına müraciət olundu - Dilqəm və Şahbazla bağlı
Bakıda könüllü jurnalistlərin “Dilqəm və Şahbazı ziyarət et, həqiqəti gözünlə gör” təşəbbüs qrupunun təşkilatçılığı ilə tədbir keçirilib.
Manevr.az apa-ya istinadən bildirir ki, 11 iyul 2016-cı ildə Dilqəm Əsgərov və Şahbaz Quliyevin girovluğunun ikinci ilin tamam olması ilə əlaqədar dünya jurnalistlərini də sıralarına cəlb edən azərbaycanlı jurnalistlər “Dilqəm və Şahbazı ziyarət et, həqiqətləri gözünlə gör!” adı altında bir təşəbbüs qrupu yaradıb. Təşəbbüs qrupunun fəaliyyətini dəstəkləyən İtki və Tələfatlar üzrə İşçi Qrupu, Mətbuat Şurası, Dilqəm və Şahbazın Hüquqlarının Müdafiəsi Komitəsi, Azərbaycan Sosial Rifah Partiyasının təmsilçiləri və mətbuat nümayəndələrinin iştirakı ilə keçirilən bugünkü tədbirdə MŞ sədri, deputat Əflatun Amaşov hər kəsi erməni girovluğundakı Dilqəm və Şahbazın azadlığa buraxılması üçün aparılan mübarizədə fəallığa çağırıb. O qeyd edib ki, dövlət bu istiqamətdə yüksək səviyyədə çalışır.
Deputat Xanhüseyn Kazımlı bildirib ki, bu yaxınlarda məsələ ilə bağlı Londonda Diplomatik Proqres İnstitutunda vəkillərlə danışıqlar aparılıb. O, danışıqların detallarını açıqlamayıb.
Deputat Elman Nəsirov da girovların azad olunması istiqamətində mübarizədə ruhdan düşməməyə, bütün imkanlardan istifadə etməyə çağırış edib.
Tədbirin sonunda Azərbaycan, Ermənistan, Moldova ombudsmanlarına, Qızıl Aypara Cəmiyyətinə, BMT-nin İnsan Haqları üzrə Ali Komissarı Zeyd Raad Əl-Hüseynə, “Amnesty International” Beynəlxalq Hüquq Müdafiəsi Təşkilatına İnsan Haqları üzrə Avropa Komissarlığına (ECHR), İşgəncələrə qarşı Ümumdünya Təşkilatına (World Organization Against Tortur) könüllü jurnalistlər adından müraciət ünvanlanıb.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar