.png)
Xəbər lenti
Bakının ən iri rayonlarından biri niyə başsız qalıb? - MÜƏMMA
Ötən il dekabrın 13-də Xətai rayon İcra Hakimiyyətinin başçısı Razim Məmmədov vəzifəsindən azad edildi. Onun postunu itirməsi gözlənilməz olmadı: 2006-cı ilin sentyabrından adıçəkilən rayona rəhbərlik etmiş Razim Məmmədov paytaxt rayonlarının icra başçıları arasında fəaliyyəti ən çox təftiş və tənqid edilən icra başçısıd idi.
Özünə kifayət qədər geniş biznes quran, təkcə Bakıda çoxsaylı mülklərə, mənzillərə sahib olan Məmmədov, xüsusilə rəhbəri olduğu rayonun ərazisində yaşıllıqların qeyri-qanuni məhvi, həmin yaşıllıqların yerinin müxtəlif məqsədlərlə satılması kimi xəbərlərlə daim medianın gündəmində idi. Xətai rayonunda onun fəaliyyətindən narazılıq son həddə çatmışdı.
Vəzifəsindən azad edilməmişdən bir az əvvəl isə onun yaxın qohumu, həmin vaxt Xətai rayon Mənzil Kommunal Təsərrüfat Birliyinin rəis müavini işləyən Xalid Məmmədov həbs olundu. Baş prokuror yanında Korrupsiyaya qarşı Mübarizə Baş İdarəsinin əməkdaşları tərəfindən saxlanılan X.Məmmədov Dövlət Şəhərsalma və Arxitektura Komitəsindən Baş Prokurorluğa təqdim olunmuş materiallar əsasında həbs edilmişdi. O, Xətai rayonunda bir sıra qanunsuz tikililərə görə və rüşvət almaqda təqsirli bilinir.
Bu həbs R.Məmmədovun "vurulmasını" daha da sürətləndirdi.
Maraqlısı odur ki, aradan 7 aydan çox keçməsinə baxmayaraq, Xətai rayonuna hələ də yeni icra başçısı təyin edilməyib. Bunun konkret səbəbləri məlum deyil.
Manevr.az xəbər verir ki, qaynarinfo-ya daxil olan məlumata görə, Bakının ən iri rayonlarından sayılan (ərazisi 31,6 кvadrat kilometrə çatır, əhalisi isə 290 min nəfərdən çoxdur) Xətai rayonuna rəhbərlik etmək arzusuna düşənlərin sayı çoxdur. Lakin hələ ki, onlardan konkret hər hansı birinin adı üzərində dayanmaq mümkün olmur. Xüsusilə paytaxt meri Eldar Əzizov bu təyinatın məhz onun istəyi ilə gerçəkləşdirilməsinə çalışır. Əzizovla bərabər, başqa bir neçə iri məmurun da həmin posta öz namizədinin olduğu deyilir.
Sonda hansı namizədin üzünün güləcəyini demək çətindir.
Yalnız o bəllidir ki, Bakının aparıcı rayonlarından biri faktiki olaraq 7 aydan çoxdur başsız qalıb və hazırda həmin rayonun İcra Hakimiyyəti başçısının səlahiyyətlərini R.Məmmədovun da müavini olmuş şəxs idarə edir.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar