Xəbər lenti
“Piyadalar əleyhinə minalarından azad Cənubi Qafqaz” kampaniyası çərçivəsində tədbir keçirilib - ŞƏKİLLƏR
Bakı şəhərində aprelin 8-də “Piyadalar əleyhinə minalardan Azad Cənubi Qafqaz” kampaniyası çərçivəsində dəyirmi masa keçirilib. Kampaniya 4-10 aprel tarixlərindən başlayaraq Cənubi Qafqaz regionunda silsilə tədbirlər təşkil etməklə davam edir.
"Cənubi Qafqazda minalar və partlamamış sursat problemlərinin aradan qaldırılmasında kontekstual çağırışlar" adlanan tədbir Qafqaz Siyasi Analiz Mərkəzinin (CPAC) və LINKS-in (DAR) təşkilatçılığı ilə keçirilib. Tədbirdə Dağlıq Qarabağ münaqişəsinin həlli ilə bağlı cari proseslər, inam yaratma addımları və bu addımlardan biri kimi minalarla mübarizə müzakirə edilib.
"Park Inn" hotelində baş tutan tədbirdə rəsmi qurumların, parlamentin, diplomatik nümayəndəliklərin, beynəlxalq təşkilatların, yerli və xarici vətəndaş cəmiyyəti institutlarının nümayəndələri və media təmsilçiləri iştirak ediblər.
Tədbiri giriş sözü ilə açan Qafqaz Siyasi Analiz Mərkəzinin direktoru Əhməd Əlili görüşün keçirilməsinin məqsədləri, Dağlıq Qarabağ münaqişəsinin cari durumu ilə bağlı məlumat verib və ictimai müzakirələri açıq elan edib. Tədbirdə Avropa İttifaqının Azərbaycandakı nümayəndəliyinin rəhbəri cənab Kestutis Jankauskas salamlama nitqi ilə çıxış edib. Daha sonra, LINKS (DAR) təşkilatının rəhbəri Dennis Sammut Cənubi Qafqaz münaqişələrinin həllində inamyaratma tədbirləri və minalarla mübarizə kampaniyası haqqında məlumat verib.
Tədbirin növbəti hissəsində Azərbaycan Milli Məclisinin təmsilçiləri, diplomatik nümayəndəliklər və yerli vətəndaş cəmiyyəti institutlarının təmsilçiləri fikirlərini bildiriblər. Əsas müzakirə məsələsi Dağlıq Qarabağ münaqişəsinin mövcud durumuna dair olub.
Tədbir Aİ-nin regiondakı gələcək fəaliyyətinin təşkili, Ermənistan-Azərbaycan Dağlıq Qarabağ münaqişəsinin diplomatik yolla həlli istiqamətində fəaliyyətinin müzakirəsi ilə davam etdirilib.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar