ABŞ-da fəaliyyət göstərən“Haym Salomon Center” mərkəzinin xəbərlər və ümumi siyasət qrupunun rəhbəri Pol Miller dailywire.com saytında 2020-ci il prezident sçekilərində namizədliyini elan edən qatı ermənipərəst konqresmen Tulsi Qabbard barədə maraqlı və ifşaedici yazı qələmə alıb.

Manevr.az musavat.com-a istinadən həmin məqaləni təqdim edir:

“ABŞ mətbuatı 2020-ci il prezident seçkilərində namizədliyini irəli sürən namizədlərdən birini, tiranların, savaş canilərinin və qanlı liderlərin daimi və sevimli tərəfdaşını, Nümayəndələr palatasının Demokrat partiyasından olan üzvü (Havay adalarından-red.) Tulsi Qabbardı görməzliyə vurur.

Elə birinci Qabbardın Ermənistana 2017-ci ildə etdiyi səyahətdən başlayaq. Doğrudur, bir sıra lobbilər və erməni təşkilatları onu CODEL-də iştirak etməyə sövq ediblər. Konqres öz üzvlərinə zəngin əcnəbi şəxs və ya millətlərlə əlaqə qurmasına izn verir. Bu CODEL-in təyinatından asılı olaraq yaxşı və ya pis ola bilər.

Konqresmen Qabbardın öz vebsaytında (onun mövqeyi ilə bağlı) hər şeyi gözəl görmək olar: “Prezident Sərkisyan, baş nazir Karen Karapetyan , nazirlər, Ermənistan Milli Assambleyasının üzvləri , erməni əsilli amerikalılar, Qarabağ (qondarma “DQR” nəzərdə tutulur-red.) parlamentinin üzvləri”.... “ölkələrimizi bir-birinə bağlayan təhlükəsizlik,, iqtisadi və mədəniyyət münasibətlərinin möhkəmləndirilməsi məqsədilə əməkdaşlıq sahələrinin müəyyən edilməsi....”

Lakin onun təriflərinə rəğmən Ermənistan geopolitik gerçəkliyə sahib bir dövlətdir. Rəsmi İrəvan bütün dünyada Rusiyanın vassalı və İranın yaxın müttəfiqi olaraq tanınır və belə qəbul olunur. Hətta SSRİ-nin süqutundan sonra belə buradakı marksist/sovet şüuru və bununla bağlı yürüdülən fəaliyyət xüsusilə gözə çarpır. Bu konqresmenlərin evlərinə götürmək istədiyi bir şey deyil.

Deputat Tulsi Qabbard “Artsax parlamenti” üzvlərini xüsusi olaraq qeyd edib. Bununla bağlı axtarış verərkən mən belə bir parlamentin və xalqın mövcud olmadığını öyrəndim. Dünyanın heç bir dövləti, hətta Ermənistan belə onu tanımır. Bu Ermənistan tərəfindən Azərbaycanın işğal olunmuş torpaqlarıdır. BMT-nin işğalıı qınayan bir sıra beynəlxalq qətnamələrinə rəğmən Ermənistanın buradan getmək fikri də yoxdur. Deyəsən, xanım Qabbard geopolitik gerçəkliyin dozasını olduqca artırıb.

Üstəlik, 2018-ci ilin aprelində devrilən bu adamlar haqqında konqresmenin bir vaxtlar dünyanın ən gözəl insanları olaraq danışması da heyrətamizdir. İndi onlaırn yerinə Kreml saysız yaltaqlarından birinə və Tehran mollalarının yaxın dostuna çevrilən Nikol Paşinyan gəlib.

Həmin insanların Rusiya və İranı ermənilərin həyatının hər aspektinə daxil edən, habelə öz xalqını kasıblıq həddində yaşadan qəssab, hərbi cani və oğru olduqları ortaya çıxdı.

Konqresmenin tiranlara yönəlik sevgisi təkcə Ermənistanın hərbi komandirləri ilə bitmir.

Onun zülmkarlara olan marağı hələ Suriyada başlayıb. Konqresmen T.Qabbard ABŞ Dövlət Departamentinin tövsiyələrinə zidd olaraq Bəşər Əsədi ziyarət edib. Bu həmin Əsəddir ki, Suriyanın qəssabına çevrilib, saysız insan qətllərinə, işgəncələrə, öz xalqını kimyəvi silahla zəhərlədiyinə görə məsuliyyt daşıyır. Lakin bütün bunlar Tulsi Qabbardı onunla nahar etməkdən çəkindirməyib.

Suriyadakı müharibənin ən qızğın çağında, qaçqınlarla bağlı böhranın fəlakətə döndüyü bir zamanda deputat Tulsi Qabbard Suriyaya gedərək burada peçenye ilə çay içə-içə Bəşər Əsədlə üzbəüz xeyli vaxt keçirib. Kimyəvi siah zəhərini işlədən bu caninin ABŞ Nümayəndələr palatasının üzvünü olduqca mehriban qarşıladığı deyilir.

Xanım Qabbard indi də Əsədi amerikalı jurnalistlərin qarşısında müdafiə etməklə məşğuldur. Bu əsl piar hoqqasıdır. İndi o, həm də ABŞ prezidentliyinə namizəd sayılır.

Namizəd Qabbard mətbuatda daha çox göründüyü zaman ona ABŞ əleyhinə bu cür davranışları barədə çox suallar verilməlidir.

Manevr.az