.png)
Xəbər lenti
Rus deputatlar Xocalı yürüşünə qoşuldu, İrəvan təşvişə düşdü
Rusiya Dumasının bəzi üzvlərinin Bakıda keçirilən açıq antierməni aksiyasında iştirakı anlaşılmazlıq yaradır.
Manevr.az xəbər verir ki, bunu Rusiya Federasiya Şurasının plenar iclasında çıxışı zamanı Ermənistan parlamentinin spikeri Ararat Mirzoyan deyib.
“Əziz dostlar, təəssüflə qeyd etməyə məcburam ki, bizim ölkələr arasında yüksək səviyyəli müttəfiqlik fəaliyyətinə, həmçinin Rusiya tərəfinin Dağlıq Qarabağ konfliktinin sülh yoluyla həllinə yönələn davamlı səylərinə rəğmən, bəzi bizim rusiyalı həmkarlarımız dünən Bakıda keçirilən, regionda stabillik və dayanıqlı sülhün yox edilməsinə yönələn açıq antierməni aksiyasında iştirak ediblər. Üstəlik, Rusiya-Ermənistan parlamentlərarası komissiyasının üzvlərinin bu tədbirdə iştirakı anlaşılmazlıq yaradır”, – deyə o bildirib.
Qeyd edək ki, dünən Xocalı soyqırımının 27-ci il dönümü ilə əlaqədar ümumxalq yürüşü keçirilib. Yürüşə Rusiyadan gələn nümayəndə heyəti də qoşulub. Heyətə Rusiya Federasiyası Dövlət Dumasının beynəlxalq əlaqələr üzrə komitəsinin sədr müavini, dünya şöhrətli idmançı İrina Rodnina, Dövlət Dumasının Təhlükəsizlik və korrupsiya əleyhinə komitəsi sədrinin birinci müavini Dmitri Savelyev, Dövlət Duması Federal Məclisinin Ailə, qadın və uşaq məsələləri üzrə komitəsinin sədr müavini Oksana Puşkina, Dövlət Dumasının Dövlət əhəmiyyətli tikinti və qanunvericilik üzrə komitəsi sədrinin birinci müavini Mixail Yemelyanov, Dövlət Dumasının deputatları Tatyana Sibizova, Denis Parfenov və Aleksey Juravlev, Rusiya Siyasi Tədqiqatlar İnstitutunun direktoru, Azərbaycanın Dostları Qrupunun əlaqələndirisici, tanınmış politoloq Sergey Markov və həmin institutun MDB ölkələri departamentinin rəhbəri Aleksey Bıçkov, hərbi ekspert, “Milli müdafiə” jurnalının baş redaktoru İqor Korotçenko, rusiyalı yazıçı, rejissor Aleksandr Rusnak, Rusiya Hökuməti yanında Maliyyə Universitetinin Sosiologiya və politologiya fakültəsinin dekanı Aleksandr Şatilov daxil olub.axar.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar