_99.jpg)
Xəbər lenti
Prezident fərmanı: bütün notariuslar ləğv edildi?
Prezident İlham Əliyevin imzaladığı fərmanla notariat kontorlarının ləğv ediləcəyi haqda məlumat bəzi vətəndaşlarda sual doğurub. Belə ki, vətəndaşlar sözügedən fərmanı ölkə ərazisində bütün notariat kontorlarının ləğv olunması kimi başa düşüb.
Məsələ ilə bağlı axar.az-a danışan hüquqşünas Səməd Vəkilov bildirib ki, fərman yalnız dövlət notariuslarına şamil olunacaq:
“ASAN Xidmətə paralel olan xidmətlərin son dövrlər aparılan islahatlarla bağlı ləğv edilməsi çox təqdirəlayiq haldır. Eyni xidmətlərin həm ASAN Xidmətdə, həm də digər qurumlarda olması məqsədəuyğun deyildi. ASAN Xidmət dövlət büdcəsindən maliyyələşirsə, ikinci belə xidmətlərə ehtiyac yoxdur. Notariusların fəaliyyəti ilə bağlı məsələdə cəmiyyətdə yanlış anlaşılmalar var. İnsanlar elə bilir ki, bütün notariuslar ləğv edilib.
Bakı şəhərində fəaliyyət göstərən notariusların 95 faizindən çoxu özəl notariuslardır. Dövlət notariusları şəhərdə cəmi bir neçə yerdədir. Həmin sərəncamla dövlət notariuslarının fəaliyyətinə son qoyulub. Regionlarda ASAN Xidmət mərkəzləri olmayan yerlərdə notariusların fəaliyyəti dayandırılmayacaq”.
Hüquqşünasın sözlərinə görə, sözügedən fərman ASAN Xidmətlə özəl notariuslar arasında rəqabətə səbəb olacaq:
“Özəl notariusların qalmasını alqışlayıram, çünki bu, rəqabət mühitini dərinləşdirəcək və nəticədə xidmətin keyfiyyəti yüksələcək”.
Qeyd edək ki, Prezident İlham Əliyevin imzaladığı bir sıra dövlət orqanlarının strukturunun optimallaşdırılması və idarə edilməsinin təkmilləşdirilməsi ilə bağlı əlavə tədbirlər haqqında fərmana əsasən, Azərbaycanın bəzi yerlərində notariat kontorları ləğv olunub. Fərmana əsasən, həmin qurumların xidmətləri yalnız ASAN Xidmət mərkəzlərində həyata keçiriləcək. Nazirlər Kabinetinə fərmandan irəli gələn məsələlərlə bağlı təkliflərini 3 ay müddətinə Prezidentə təqdim etmək tapşırığı verilib.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Kriminal
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar