.jpg)
Xəbər lenti
Şəkidə gənclərlə bağlı yeni layihəyə start verilib
“İnfotex” Gənclik və Maarifçilik İctimai Birliyi Azərbaycan Gənclər Fondunun dəstəyilə “Gənclərin sahibkarlıq fəaliyyətinə cəlb olunması” adlı yeni layihənin icrasına başlayıb. Layihə çərçivəsində ilk tədbir Şəki şəhərində baş tutub. Tədbirdə yerli icra orqanlarının nümayəndələri, gənc sahibkarlar və QHT fəalları iştirak ediblər.
“İnfotex” GMİB-nin sədri Seymur Verdizadə əvvəlcə layihə barədə məlumat verib. Qeyd edib ki, layihənin həyata keçirilməsində məqsəd kiçik biznes quruculuğunda və kənd təsərrüfatının inkişafında gənclərin rolunu artırmaq, kənd təsərrüfatı yönümlü gənc sahibkarları maarifləndirmək, onları beynəlxalq təcrübə ilə tanış etmək, konsaltinq və innovasiya xidmətləri göstərməkdir. S.Verdizadə deyib ki, layihə 3 ay ərzində Şəki, Cəlilabad, Masallı, Göyçay və Tovuz şəhərlərində icra olunacaq.
Layihənin eksperti Teyyub Mirqasımov deyib ki, gənclərin sahibkarlıq fəaliyyətinə cəlb edilməsi üçün onların məlumatlandırılması və biliklərinin artırılması vacib şərtdir: “Gənclər ilk növbədə regionun coğrafiyası ilə ətraflı tanış olmalı və bu coğrafiyaya uyğun biznes qurmağa qərar verməlidirlər”.
Ekspert gənc sahibkarlara tövsiyə edib ki, rayonların coğrafiyasına uyğun olaraq emal sənayesinə maraq göstərsinlər. Çünki sənayenin bu qolu hələ lazımı inkişaf səviyyəsinə çatmayıb. Üstəlik də, emal sənayesinin inkişafı aqrar sektorun inkişafını stimullaşdırır.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar