Xəbər lenti
Cavid Qurbanovun rəis qardaşı istefa verdi
Əmək və Əhalinin Sosial Müdafiəsi Nazirliyi (ƏƏSMN) yanında Dövlət Tibbi-Sosial Ekspertiza və Reabilitasiya Xidmətinin rəisi işdən azad edilib.
Xidmətin rəisi İlqar Qurbanov səhhəti ilə əlaqədar işdən çıxarılması üçün ərizə yazıb. Onun yerinə Cavid Əbdülqədirov təyin olunub.
Qeyd edək ki, İlqar Qurbanov 2015- ci ildə sözügedən vəzifəyə təyinat almışdı.
Bu arada bildirək ki, İlqar Qurbanov Azərbaycan Dəmir Yolları Qapalı Səhmdar Cəmiyyətinin sədri Cavid Qurbanovun qardaşıdır.
Əmək və Əhalinin Sosial Müdafiəsi Nazirliyinin mətbuat xidmətinin rəhbəri Fazil Talıblı açıqlamasında xəbəri təsdiqləyib və bildirib ki, Dövlət Tibbi-Sosial Ekspertiza və Reabilitasiya Xidmətinin strukturu təkmilləşdirilib: “Bu ümumiyyətlə, reablitasiya sisteminin optimallaşdırılması və idarəetmənin təkmilləşdirilməsi sahəsində beynəlxalq təcrübənin tətbiqi istiqamətində görülən işlər çərçivəsində həyata keçirilib. Belə ki, xidmətin aparatının yeni strukturu təsdiqlənib. Xidmətin rəisi işləmiş İlqar Qurbanov səhhəti ilə bağlı ərizə yazaraq işdən çıxarılıb. Onun yerinə təyin edilən Cavid Əbdülqədirov bu sahədə uzun müddət işləmiş təcrübəli şəxsdir.
Bundan başqa xidmətin tibbi sosial ekspert komissiyalarının sayı 12-dən 5-ə endirlib. Komissiyalar gələcəkdə Bakı şəhərində fəaliyyət göstərəcək beş DOST mərkəzi ilə əlaqəli şəkildə xidmətlərini vətəndaşlara təqdim edəcəklər. Həmin DOST mərkəzlərində Tibbi Sosial Ekspert Komissiyalarının fəaliyyəti qurulacaq”. qafqazinfo
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar