.png)
Xəbər lenti
İsmət Qayıbov doğuldu
Dünən günorta saat 12.58 dəqiqədə Respublika Prokurorluğunun Beynəlxalq əlaqələr şöbəsinin əməkdaşı İsmayıl Qayıbovun oğlu dünyaya gəlib. Üç qızdan sonra 49 yaşlı İsmayıl Qayıbov 4-cü uşaq atası, oğul atası olub.
Manevr.az xəbər verir ki, oğlunun adını İsmət qoyan İsmayıl Qayıbov bu barədə “Tvitter” hesabında yazıb: "Bu gün günorta mənim çoxdan gözlədiyim oğlum doğuldu - İsmət Qayıbov!".
Qeyd edək ki, hazırda Respublika Prokurorluğunda çalışan İsmayıl Qayıbov 1991-ci ilin noyabrında Xocavənd rayonunun Qarakənd kəndi üzərində Azərbaycana məxsus “Mi-8” helikopterinin vurulması zamanı həlak olan Azərbaycan Respublikasının Baş prokuroru İsmət Qayıbovun oğludur.
Xatırladaq ki, 1971-ci ilin mart ayında Azərbaycan SSR-in prokurorluq orqanlarına qəbul olunan İsmət Qayıbov 26 Bakı komissarı rayonunun prokuror köməkçisi vəzifəsinə təyin edilib. İsmət Qayıbov 1975-ci ilin iyun ayında Bakı Şəhər Prokurorluğunda cinayət işlərinin baxılmasına nəzarət şöbəsinin prokuroru vəzifəsinə təyin olunub. 1976-cı ilin fevral ayından isə Bakı Şəhər Prokurorluğunun ümumi nəzarət şöbəsinin rəisi vəzifəsində çalışıb. 1978-ci ildən İsmayıllı rayonunun prokuroru, 1982-ci ildən Əli-Bayramlı şəhərinin prokuroru, 1987-1990-cı illərdə isə Sumqayıt şəhərinin prokuroru vəzifələrində işləyib.
İsmət Qayıbov erməni hərbi dəstələrinin cinayətkar əməllərinin sovet rəhbərliyi tərəfindən cəzasız qaldığına daim etiraz edirdi. O, həmçinin, Sumqayıt hadisələri ilə bağlı şərh verir və bildirirdi ki, şəxsən 96 nəfər barəsində həbs-qəti imkan tədbiri seçib. İsmət Qayıbov hələ o dövrdə 20 yanvar faciəsini "Azərbaycan xalqının öz müstəqilliyi uğrunda apardığı mübarizə" adlandırır və bildirirdi ki, "bu şəhidlər hərbi diktaturanın əleyhinə küçələrı çıxmışdılar"./modern.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar