Xəbər lenti
Qənbər Şəmşiroğlunun İlham Əliyevə MÜRACİƏTİ
Azərbaycan Respublikasının Prezidenti, Zati-aliləri cənab İlham Əliyevə
Möhtərəm cənab Prezident,
Sizin Azərbaycan mədəniyyətinin, incəsənətinin və xalqımıza məxsus olan dəyərlərin qorunub saxlanılması və gələcək nəsillərə çatdırılması istiqamətində atdığınız addımlar ölkə əhalisinin, sənətsevər insanların böyük rəğbəti ilə qarşılanır. Sizin uzaqgörən siyasətiniz və ölkəmizin Birinci xanımı, I vitse-prezidentimiz Mehriban xanım Əliyevanın mədəniyyətimizə sonsuz qayğısı nəticəsində Azərbaycan xalqının dünya mədəniyyətinə bəxş etdiyi incilər dünya mədəni irsinin tərkib hissəsi kimi qorunur və ən ali şəkildə təqdim olunur.
Muğamlarımız, aşıq sənətimiz, milli musiqi incilərimiz, dastanlarımız Azərbaycan xalqının mədəni sərvəti kimi ölkəmizdə qonaq olan hər bir kəsin zövqünü oxşayır, onlarda Azərbaycanımızla bağlı unudulmaz təəssüratlar oyadır.
Cənab Prezident,
Milli-mənəvi dəyərlərimiz, o cümlədən də ozan-aşıq mədəniyyətimiz Ulu Öndərimiz Heydər Əliyevin də daima diqqəti və qayğısı altında olmuşdur. Siz bu yolun ən layiqli davamçısı kimi humanitar mədəniyyət strategiyasını böyük həssaslıqla diqqətdə saxlayırsınız. Buna örnək olaraq, 2018-ci il 02 aprel tarixində “Aşıq Şəmşirin anadan olmasının 125-ci ildönümünün qeyd olunması” haqqında imzaladığınız sərəncam Azərbaycan mədəniyyətinə, YUNESKO-nun qeyri-maddi irsi kimi qorunan aşıq sənətimizə qayğının bariz nümunəsidir. 15 il öncə Ulu Öndər Heydər Əliyevin imzaladığı sərəncamla Aşıq Şəmşirin 110 illiyinin keçirilməsi, bu gün isə ölkəmiz üçün olduqca əhəmiyyətli proseslərin baş verdiyi zamanda Sizin bu sərəncamı imzalamağınız öz siyasi xəttinizə nə qədər sədaqətli olduğunuzun göstəricisidir.
Bu sərəncam Aşıq Şəmşir yaradıcılığını sevənlər, aşıq sənətinin vurğunu olan insanlar, Aşıq Şəmşir irsinin davamçıları, aşığın ailəsi və doğmaları üçün əsl bayram oldu. Belə bir sevinci bizlərə bəxş etdiyinizə görə Zati-alilərinizə aşığın ailəsi, doğmaları, sənətsevər insanlar və bütün Kəlbəcər ictimaiyyəti adından sonsuz təşəkkürlərimi və dərin minnətdarlığımı bildirirəm.
Ulu tanrı Sizi və Sizin simanızda Azərbaycan dövlətini qorusun.
11 aprel tarixində keçiriləcək Prezident seçkilərində Sizə şanlı qələbə arzulayır və bütün Kəlbəcər ictimaiyyətinin, ziyalılarının, ağsaqqallarının Azərbaycanın gələcəyini yalnız Sizin rəhbərliyiniz altında görmək istədiklərini əminliklə bildirirəm.
Dərin hörmət və ehtiramla,
Qənbər Qurbanov
“Aşıq Şəmşir” Mədəniyyət Ocağı
İctimai Birliyinin sədri, Aşıq Şəmşirin oğlu
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar