.png)
Xəbər lenti
“Bu təlimlər birbaşa Qarabağda müharibəyə hazırlıq idi…”
Rusiya ordusunun Cənub hərbi dairəsində ötən gün başlayan təlimlərlə Azərbaycan ordusunun ötən həftə keçirdiyi irimiqyaslı hərbi təlimlər arasında hansısa əlaqənin olması istisna deyil. Bunu rusiyalı hərbi ekspert, “Novaya qazeta”nın şərhçisi Pavel Felqenhauer “Kavkazskiy uzel” portalına müsahibəsində deyib.
Ekspert bildirib ki, hərçənd təlimlər əvvəlcədən planlaşdırılmışdı, amma Qarabağda münaqişənin yenidən alovlanması, müharibəyə keçməsi istisna deyil.
“Heç kim bu münaqişəyə fikir vermir. Onların hamısının başı qarışıb. Azərbaycanın keçirdiyi hərbi təlim hərbi əməliyyatlara birbaşa hazırlıq idi. Digər tərəf də hazırlaşır”-Felqenhauer bildirib.
Rusiyalı hərbi ekspertin fikrincə belə ehtimal mövcuddur ki, Bakı erməni birləşmələrinin mövqelərinə birinci zərbə endirmək üçün qüvvələrin irimiqyaslı cəmləşdirilməsini həyata keçirir. “Orada situasiya pisdir, gərgindir…Hazırlığı təsdiq edən həm də budur ki, təlimlər radioelektron şəraitdə keçirilir. Radarların qapadılmasına, rabitənin kəsilməsinə qarşı dayanmaq imkanları var”-o qeyd edib.
Felqenhauerə görə dünya ictimaiyyəti bu münaqişəyə fikir vermir, çünki dünyada çoxlu başqa münaqişə ocaqları var. Azərbaycan isə torpaqlarını geri qaytara bilmək üçün müntəzəm olaraq silahlanır, təkcə Rusiyadan yox, İsrail və Türkiyədən də silahlar alır.
“Məsələn, yüksək dəqiqlikli İsrail reaktiv yaylım atəşi sistemi, zərbə pilotsuz aparatları, “Spike” tank əleyhinə raket sistemləri. Bu, tank əleyhinə müasir və effektiv sistemdir, Amerikanın “Javelin” raketinin bənzəridir. Belə silah nə Ermənistanda var, nə Rusiyada. Azərbaycan silahlanmaya böyük pullar xərcləyir”-Felqenhauer bildirib.
Rusiyanın geosiyasi problemlər Akademiyasının prezidenti, hərb elmləri doktoru Konstantin Sivkov da hesab edir ki, Azərbaycan ordusunun keçirdiyi təlimlər Qarabağda müharibəyə hazırlıq məqsədi daşıyan addımdır.
“25 minlik şəxsi heyət Dağlıq Qarabağa hücum üçün hazırlanan qruplaşmanı çox xatırladır…Təlimlərin miqyası Azərbaycan ordusunun ölçüsü ilə bir araya sığmır”-Sivkov deyib.
Ekspert əlavə edib ki, Azərbaycan müntəzəm olaraq Rusiyadan hərbi texnika, artilleriya, zenit silahları alır. Lakin Ermənistana da silahlar verilir. “Azərbaycana kifayət qədər böyük sayda silahlar təchiz olunur. Məsələn, T-90S tankları, hansı ki, özünü Amerikanın “Abrams” tanklarından daha yaxşı göstərə bilib”-Sivkov bildirib. /Virtualaz.org/
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar