.png)
Xəbər lenti
“Gənc ixtiraçı və səmərələşdirici mərkəz”-nin təqdimatı keçirilib -FOTOLAR
Mingəçevir şəhər 8 saylı tam orta məktəbdə Azərbaycan Respublikası Təhsil Nazirliyinin Təhsildə inkişaf və innovasiyalar üzrə qrant müsabiqəsi çərçivəsində hazırlanan “Gənc ixtiraçı və səmərələşdirici mərkəz” layihəsinin təqdimatı keçirilib.
Manevr.az xəbər verir ki, məktəbin direktoru Adil Kərimov layihənin məzmunu haqqında iştirakçılara məlumat verərək bildirib ki, belə bir layihənin məhz məktəbimizdə icra edilməsi şagirdlərimizin intellektual, yaradıcı, natiqlik və bu kimi digər bilik və bacarıqlarının aşkara çıxarılmasında, həmçinin onların gələcəkdə ixtisaslı kadr olaraq yetişməsində böyük rol oynayacaq.
Direktor sentyabr ayında ölkə prezidenti cənab İlham Əliyevin sərəncamı ilə təsdiq edilmiş “Azərbaycan Gəncliyi 2017-2021-ci illərdə Dövlət Proqramı”nda gənclərin gələcək inkişafı ilə bağlı bir sıra vacib müddəların öz əksini tapdığını bildirib. Adil Kərimov həmçinin Dövlət proqramında gənclərlə bağlı bir neçə yeni istiqamətlərin də əlavə edildiyini və bu gün təqdim edilən layihənin də məhz bu sahəyə xüsusi tövhə verəcəyini qeyd edib.
Daha sonra çıxış edən Mingəçevir Gənclər Evi Sosial Xidmət müəssisəninin nümayəndəsi Kamal Əhmədovun sözlərinə görə layihənin həyata keçirilməsi nəticəsində şagirdlərdə bir sıra innovativ bilik və bacarıqlar formalaşacaq ki, bu da onların gələcək təhsil və karyeralarında yardımçı olacaq. Şagirdlər üçün belə bir layihədə iştirak etmək onları təhsil həyatlarında eyni zamanda, ictimai sferada öz həmyaşlarından fərqləndirəcək.
Layihənin tərəfdaşı qismində çıxış edən “İşıqlı Gələcək” Gənclər İctimai Birliyinin icraçı direktoru Rəşad Qurbanov layihənin tətbiqindən gözlənilən nəticələr haqqında məlumat verib. Həmçinin şagirdlərdə erkən yaşlarında natiqlik, liderlik və bu kimi digər bacarıqların formalaşdırılmasında layihənin önəmini vurğulayıb.
Tədbirin sonunda şagirdləri maraqlandıran sual və təkliflər səslənib. Məktəblilərin istəklərinə uyğun olaraq layihəyə bir neçə yeni istiqamət əlavə edilib.
Ləman Bəylərova
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar