.png)
Xəbər lenti
300 azərbaycanlı İraqda öldürülüb – DTX rəisindən ilginc açıqlamalar
Dövlət Təhlükəsizlik Xidmətinin rəisi Mədət Quliyev İŞİD-ə qoşulan azərbaycanlılar və ölkəmizdə terror cəhd hallarıyla bağlı ilginc açıqlamalar verib.
O, jurnalistlərə açıqlamasında İraqda Azərbaycan vətəndaşlarının kütləvi olduğu yerdə 300-ə yaxın azərbaycanlı öldürüldüyünü bildirib. Onun sözlərinə görə, bu informasiyanın səhihliyini yoxlamaq üçün komitə əməkdaşları İraqa yollanıb:
"Əməkdaşlarımız hazırda İraqdadırlar və araşdırırıq ki, bu məlumat düz və ya səhvdir".
Mədət Quliyev əlavə edib ki, indiyə kimi 900-ə yaxın azərbaycanlı İŞİD-ə qoşulub: "Son 5 il ərzində 900-ə yaxın sayda Azərbaycan vətəndaşı qara təbliğata inanıb İŞİD-ə qoşulub. Onlar inanıblar ki, yaxşı iş görüblər. Amma əslində bu cinayət işidir. Onlardan 85-i hüquq-mühafizə orqanlarımız tərəfindən saxlanılıb və pentensiar xidmətdədirlər. 195 nəfər Azərbaycan vətəndaşlığı hüququndan məhrum edilib. Bir çoxu isə döyüş zamanı həlak olub. Azərbaycanda müvafiq qurumlarla birgə planlı şəkildə işlər aparılır ki, azərbaycanlı gənclər dini radikalizmlə bağlı səhv yollara uyub getməsinlər".
O həmçinin qeyd edib ki, son 5 il ərzində 900-ə yaxın azərbaycanlının İŞİD-ə qoşulduğunu, onlardan 85-nin hüquq-mühafizə orqanları tərəfindən saxlanıldığını, 195 nəfərinin Azərbaycan vətəndaşlığından çıxarıldığını, bir çoxunun isə döyüş zamanı öldüyünü bildirib.
Xidmət rəisi onu da deyib ki, Azərbaycan İŞİD terror təşkilatına qoşularaq ölən vətəndaşların övladlarının geri qaytarılması üçün iş aparır.
"İraqda Azərbaycan vətəndaşlarının kütləvi olduğu yerdə 300-ə yaxın azərbaycanlı məhv edilib. Valideynləri həlak olan azyaşlı azərbaycanlı uşaqların geri qaytarılması üçün aidiyyəti dövlət orqanları ilə əməkdaşlıq edilir", - deyə o bildirib.
Dövlət Təhlükəsizliyi Xidmətinin rəisi onu da bildirib ki, Azərbaycanda da terror törətmək istəyənlər olub, lakin bunun qarşısı vaxtında alınıb:
"Azərbaycanda da xeyli sayda terrora cəhd hazırlığı görənlər olub.
Hüquq-mühafizə orqanları bu gün dövlət başçısının tələblərini yerinə yetirərək bu kimi cəhdlərin qarşını vaxtında ala bilirlər".
M.Quliyev hərbi qulluqçuların dövlətə xəyanət etməsi məsələsinə də toxunub. Bu məsələylə bağlı görülən işlər məxfi olduğuna görə ətraflı məlumat vermək düzgün deyil:
"Bu istiqamətdə hər zaman işlər görülür. Təbii ki, bir sıra dövlət bu kimi yırtıcı cəsusları işlədir. Dövlətin hüquq-mühafizə orqanları bununla mübarizə aparır".
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar