.png)
Xəbər lenti
Gənc Mühasiblər İctimai Birliyi bəyanat yayıb
Manevr.az xəbər verir ki, Gənc Mühasiblər İctimai Birliyi Ermənistan Silahlı Qüvvələrinin atəşi nəticəsində Azərbaycan Respublikasının dinc sakinlərinin həlak olması ilə bağlı bəyanat yayıb.
Bəyanatda deyilir:
"Ermənistan Silahlı Qüvvələrinin iyulun 4-də saat 20:40 radələrində Azərbaycanın işğal olunmuş ərazilərindən Füzuli rayonunun Alxanlı kəndinin dinc əhalisini və yaşayış yerlərini qəsdən məhv etmək məqsədilə 82 və 120 millimetrlik minaatanlardan və dəzgahlı qumbaraatanlardan atəşə tutaraq növbəti təxribat törədib. Nəticədə Alxanlı kənd sakinləri - 1966-cı il təvəllüdlü Allahverdiyeva Sahibə İdris qızı və onun nəvəsi 2016-cı il təvəllüdlü Quliyeva Zəhra Elnur qızı həlak olub, digər mülki şəxs 1965-ci il təvəllüdlü Quliyeva Səlminaz İltifat qızı isə ağır bədən xəsarətləri ilə hərbi hospitala çatdırılaraq əməliyyata götürülüb, yaşayış yerlərinə külli miqdarda zərər dəyib.
Ermənistan ordusunun təxribatları nəticəsində 1 milyondan çox azərbaycanlı öz doğma torpaqlarından didərgin düşərək qaçqın və məcburi köçkün həyatı yaşamağa məhkum edilmişdir. Sonuncu baş verən hadisə, xüsusilə də 2 yaşlı Zəhranın amansızlıqla qətlə yetirilməsi nə insani, nə də müharibə şəraiti qanunlarına uyğun gəlmir. Bu hadisə bir daha sübut etdi ki, Azərbaycanın mülki əhalisinə qarşı davamlı şəkildə törədilən bu cür ağır cinayətlər işğalçı Ermənistanın zəbt etdiyi torpaqları sülh yolu ilə tərk etməyə məcbur ediləcəyi ilə bağlı ümidləri aradan qaldırır və işğalçıya qarşı müvafiq addımları atmağa vadar edir.
Lakin, Ermənistan-Azərbaycan, Dağlıq Qarabağ münaqişəsinin həlli üzrə vasitəçiliyi üzərinə götürən ATƏT-in Minsk qrupunun fəaliyyətsizliyi və qeyri-adekvat davranış nümayiş etdirməsi, beynəlxalq təşkilatların ikili mövqedən çıxış etməsi işğalçıya cinayətkar əməllərini davam etdirməyə əlavə zəmin yaradır.
Gənc Mühasiblər İctimai Birliyi Ermənistan Silahlı Qüvvələrinin Füzuli rayonu Alxanlı kəndinin dinc sakinləri Quliyeva Sahibə İdris qızı və 2 yaşlı Quliyeva Zəhra Elnur qızına qarşı törətdiyi təxribatı qətiyyətlə pisləyir və münaqişənin sülh yolu ilə həllinə çağırış edən beynəlxalq təşkilatlardan Ermənistanın Azərbaycanın mülki əhalisini - uşaqları, qadınları və qocaları qətlə yetirməsi faktlarına səssiz qalmamağa, işğalın dərhal sona çatdırılması üçün qətiyyətli qərarlar qəbul etməyə və beynəlxalq ictimaiyyəti Ermənistanın dinc əhaliyə qarşı vandalizm siyasətini cavabsız qoymamağa çağırır".
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar