.png)
Xəbər lenti
"İnsanlar, qoruyaq təbiəti biz" adlı tədbir keçirilib - fotolar
Bildəh qəsəbəsindəki 11 nömrəli İnteqrasiya təlimli internat məktəbində "Yaşıl dünya naminə həmrəylik ili" çərçivəsində xüsusi qayğıya ehtiyacı olan şagirdlərin iştirakı ilə COP29-a həsr olunmuş "İnsanlar, qoruyaq təbiəti biz" adlı tədbir keçirilmişdir. Manevr.az xəbər verir ki, tədbirdə 2024-cü ilin respublikamızda "Yaşıl dünya naminə həmrəylik ili" elan olunmasının əhəmiyyəti, ətraf mühitin sağlamlaşdırılması, yaşıllıqların bərpası və artırılması, su ehtiyatlarından və dayanıqlı enerji mənbələrindən səmərəli istifadənin təmin edilməsi istiqamətində görülən işlər haqqında məlumat verilmişdir. Həmçinin COP29 kimi tanınan mötəbər bir tədbirin - 2024-cü il Birləşmiş Millətlər Təşkilatının İqlim Dəyişikliyi üzrə Çərçivə Konvensiyası Tərəflərinin Konfransının Bakıda keçirilməsinin əhəmiyyəti ön plana çəkilmişdir.
Əsas məqsədi şagirdlərdə ekoloji dünyagörüşü formalaşdırmaq, onları ətraf mühitin mühafizəsi barədə maarifləndirmək olan tədbirin gedişatı boyu xususi qaygiya ehtiyacı olan sagirdlər Azərbaycan Jurnalistlər Birliyi Sumqayıt şəhər təşkilatının sədri, respublikanın Əməkdar jurnalisti, tanınmış şair-publisist Rafiq Odayın "İnsanlar, qoruyaq təbiəti biz" şeir-marşını səsləndirmiş, həmçinin “Yer kürəsi xəstədir”, “Ağac və odunçu” səhnəciklərini nümayiş etdirmişlər.
Tədbirdə şagirdlərin tullantılardan hazırladıqları əl işlərindən ibarət sərgi təşkil olunmuş, sellofan paketlərin istifadəni azaltmağa diqqət çəkmək üçün uzərində hər bir şagirdn əl isi olan qədim sənət nümunələri və tullantılardan hazırlanan təsvirlər əks olunan ekocantalar nümayiş olunmuşdur.
Tədbirdə iştirak və çıxış edən məktəbin direktoru Gülnarə xanım Abdullayeva tədbirin əsas təşkilatçıları – məktəbin Azərbaycan dili və ədəbiyyatı müəllimləri Təhminə Rüstəmli və Türkan Mehdiyevaya, o cümlədən tədbir iştirakçılarına təşəkkürünü bildirmiş, zəhməti keçənlərə sertifikatlar təqdim etmişdir. Tədbir şagirdlərin ifasında "Təbiəti qoruyaq" mahnısı ilə başa çatmışdır. Rafiq Oday əlaqə saxlayaraq onun yaradıclığına müraciət etdikləri üçün tədbirin təşkilatçılarına minnətdarlığını bildirmişdir.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar