Elşad Musayev komitə sədrinin müavini seçildi

Bu gün Milli Məclisin yeni tərkibdə ilk iclası keçirilib. İclasda Milli Məclisin sədri, komitə sədrləri və onların müavinlərinin namizədliyi irəli sürülüb.

Böyük Azərbaycan Partiyasının sədri, millət vəkili Elşad Musayev Milli Məclisin Əmək və sosial siyasət komitəsinin sədr müavini seçilib.

Qeyd edək ki, Sahibə Qafarova Milli Məclisin sədri, Əli Hüseynli Hüquq siyasəti və dövlət quruculuğu komitəsinin, Arzu Nağıyev Müdafiə, təhlükəsizlik və korrupsiya ilə mübarizə komitəsinin, Zahid Oruc İnsan hüquqları komitəsinin, Sadiq Qurbanov Təbii ehtiyatlar, energetika və ekologiya komitəsinin, Azər Əmiraslanov İqtisadi siyasət, sənaye və sahibkarlıq komitəsinin, Tahir Rzayev Aqrar siyasət komitəsinin, Musa Quliyev Əmək və sosial siyasət komitəsinin, Siyavuş Novruzov Regional məsələlər komitəsinin, Anar İsgəndərov Elm və təhsil komitəsinin, Polad Bülbüloğlu Mədəniyyət komitəsinin, Səməd Seyidov Beynəlxalq münasibətlər və parlamentlərarası əlaqələr komitəsinin, Əhliman Əmiraslanov Səhiyyə komitəsinin, Hicran Hüseynova Ailə, qadın və uşaq məsələləri komitəsinin, Şahin İsmayılov Gənclər və idman komitəsinin, Fazil Mustafa İctimai birliklər və dini qurumlar komitəsinin sədrləri seçiliblər.