.png)
Xəbər lenti
Qarabağda evlərin kirayə verilməsi məsələsi böyüdü – Müqavilədə nə yazılıb?
Qarabağda, xüsusən də Laçında günlük kirayə verilən evlərlə bağlı müzakirələr səngimir. Bir çox insanlar, eləcə də ekspertlərin fikrincə, həmin ərazilərdə evlərin günü 100-200 manat civarında kirayə verilməsi doğru addım deyil. Eyni məsələ ilə bağlı hərbi ekspert Ədalət Verdiyev də sosial şəbəkədə paylaşım edib.Sitat: “Azad olunan ərazilərdə dövlət tərəfindən vətəndaşlara verilən evlərin qazanc məqsədilə kirayə verilməsinin qarşısı alınmalıdır. Bu evlər geri alınmalı və ehtiyacı olanlara paylanmalıdır”.
Ə.Verdiyevin bu paylaşımı birmənalı qarşılanmayıb.
Manevr.az-ın xəbərinə görə, Globalinfo.az-a danışan Ədalət Verdiyev deyib ki, söhbət qarabağlılardan getmir:
“Söhbət dolanışıq üçün deyil, qazanc məqsədilə inşa olunan evlərin kirayə verilməsindən gedir. Bunu qarabağlılara bağlamayaq. Bu evlər vətəndaşlara verilən zaman müqavilədə konkret olaraq göstərilib ki, həmin evlər başqasına və ya kirayə verilə bilməz. Burada əsas məqsəd maksimum sayda vətəndaşımızın azad olunan ərazidə məskunlaşmasını təmin etməkdən ibarətdir”.
Ədalət Verdiyev müqavilə məsələsinə belə aydınlıq gətirib:
Ədalət Verdiyev
“Qaçqınların və Məcburi Köçkünlərin İşləri üzrə Dövlət Komitəsi (“Qaçqınkom”) ilə vətəndaşlar arasında bağlanan müqavilənin 3-cü bəndinə əsasən, bərpa edilmiş evin sakin tərəfindən kirayə verilməsi qadağan edilir”.
Hərbi ekspertin sözlərinə görə, azad olunan ərazilərin inkişafını həmin yerlərə turist kimi səfər edib bu evlərdə müvəqqəti qalan şəxslər deyil, yerli sakinlər təmin edəcək:
“Dövlət azad olunan ərazilərdə universitetlər inşa edir, bir çox məktəblərin açılışını reallaşdırır. O ərazilərdə yaşayanlar bütün infrastrukturla, zəruri olan kommunal xidmətlərlə təmin olunub. Bəli, işsizlik problemi ola bilər. Bu problem dünyanın hər yerində, eləcə də Bakıda var. İşsizliyi bəhanə edib evi kirayə verib, birdəfəlik o ərazini tərk etmək yanlış addımdır. Eyni zamanda bir qədər də təhlükəli tendensiyadır. Bunun qarşısının alınması çox vacibdir”.
Qeyd edək ki, Ədalət Verdiyevin bu mövqeyinə sosial şəbəkələrdə bir çox tanınmış etiraz edib.
Manevr.az
Xəbəri paylaş
Çox oxunanlar
Son yüklənənlər
.jpg)
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar