Prezidentin FƏRMANI - Azərbaycanda Elektron Rəqabət İnformasiya Sistemi yaradılır

Azərbaycan Prezidenti İlham Əliyev Elektron Rəqabət İnformasiya Sisteminin yaradılması haqqında fərman imzalayıb.
Manevr.az xəbər verir ki, fərmana əsasən, ölkədə Elektron Rəqabət İnformasiya Sistemi (ERİS) yaradılacaq.

ERİS rəqabət və istehlakçıların hüquqlarının müdafiəsi sahələrində istehlakçıların və bazar subyektlərinin müraciətlərinin qəbulunu, emalını, onlara əlavə edilməli olan sənədlərin və ya məlumatların real vaxt rejimində digər dövlət orqanlarından sorğu əsasında əldə olunmasını, həmin müraciətlərə dair qərarların və məlumatların elektron qaydada təqdim edilməsini, habelə qeyd olunan sahələrdə məlumatların istifadəçilər üçün əlçatanlığını təmin edəcək.