.png)
Xəbər lenti
Salihlidən Bakıya könül yolçuluğu -ŞƏKİL
Dünyanın ən gözəl, ən müqəddəs yolçuluğu könül yolçuluğudur. Çünki bu yolçuluqda könüllər sevinir, qəlblər isinir. Qardaş Türkiyənin Salihli şəhərindən bir qrup söz - sənət adamları - könül yolçuları, gözəl vətənimizə qonaq gəliblər.
Salihli Dövlət Mahnı və Xor Ansamblının bədii rəhbəri Salih Kandaşın və Salihli Sənət Dostları Birliyinin rəhbəri Haticə Dəğirmənçi Dirgənin rəhbərliyi altında bir qrup- Günay Yalvaçlı, Hakan Dirgən, Emine Uysal, Artun Ünverən, Məltəm Ünverən, Ahmet Kantep, Zuhal Kantep, Şengül Bahadır, Meryem Yıldız, Zehra Öztürk, Sevim Demirkıran, Gülsüm Akdeniz, Elvan Yavuz, Hülya Özkartal, Aslı Kabaklı, Yıldız Günarslan, Ferda İzmirlioğlu, Nilgün Gözet, Erdal Muşlu, Nursen Muşlu - 24 nəfərdən ibarət heyət mayın 26-dan doğma Bakımızdadır.
Dəyərli könül dostlarımız Fəxri Xiyabanda Ulu öndər Heydər Əliyevin məzarını ziyarət edib, Şəhidlər Xiyabanında şəhidlərimizin adlarını andılar. Qarabağ savaşında qazandığımız zəfərə görə bir daha bizi təbrik etdilər.
Manevr.az saytının rəhbəri şair, publisist, könül yolçumuz Namiq Dəlidağlı da qonaqlarımızla tanış oldu. Ədəbi - mədəni əlaqələrimizin daha da genişləndirilməsinin vacibliyindən danışıldı. İkinci Qarabağ savaşında qazandığımız Zəfərdən bəhs etdi.
Dəyərli şairlər - Qəzənfər Məsimoğlunun və Əzizə Ağahüseynqızının yaratdığı” Qoşma” ədəbi məclisinin üzvləri ilə könül dostlarımızın görüşü maraqlı və yaddaqalan oldu. Paytaxtımızın möhtəşəmliyi, Bakı Bulvarının təmizliyi, gözəlliyi könül dostlarımızı valeh etdi. Səfər hələ davam edir, onlar Bakının tarixi və görməli yerlərini də gəzəcəklər. Sənət dostlarımız mayın 29-da saat 13-00 da Elmlər parkında keçirilən "III Türk Dünyası Ədəbiyyat və Kitab Festivalı"nda geniş proqramla çıxış edəcəklər.
Əziz dostlarımıza xoş gəldiniz, deyirəm. İnanıram ki, Azərbaycan, gözəl Bakımız onların qəlbində, könlündə əbədi yer tutacaq.
Nazilə Gültac
“Könül yolçuları” qrupunun rəhbəri şair, yazar.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar