Deputat Müşfiq Məmmədli: "Azərbaycan və Tacikistan arasındakı münasibətlər parlamentlər səviyyəsində də uğurla davam etdirilir"

 Bu sözləri Manevr.az-a açıqlamasında Milli Məclisin üzvü Müşfiq Məmmədli deyib. Deputat bildirib ki, 2024-cü il matın 23 də dövlətlərimiz arasında imzalanan Strateji tərəfdaşlıq bəyənnaməsi həm Azərbaycan, həm də Tacikistan dövləti üçün xüsusi əhəmiyyət kəsb edir. Belə ki, Strateji tərəfdaşlıq bəyənnaməsinin və onunla birgə ümumilikdə 14 sənədin imzalanması müasir dövrdə dövlətlərimiz arasındakı münasibətlərin, əlaqələrinin müqavilə-hüquqi bazasını təşkil edir: 

"Ölkə rəhbərlərinin qarşılıqlı səfərləri də dövlətlərimizin birgə fəaliyyəti üçün atılan ən mühüm amildir. Təbii ki, ölkələrimiz arasında əlaqələrin inkişafının əsasını Azərbaycan Prezidenti İlham Əliyevin və Tacikistan Prezidenti Emoməli Rəhmonun şəxsi dostluq münasibətləri təşkil edir.  Ölkələrimiz arasındakı münasibətlər parlamentlər səviyyəsində də uğurla davam etdirilir. Azərbaycan Respublikası Milli Məclisində Azərbaycan-Tacikistan parlamentlərarası əlaqələr üzrə işçi qrupu fəaliyyət göstərir.

Öz əraizisində bütün iri nəqliyyat və logistika layihələrini praktiki olaraq başa çatdıran azərbaycan artıq bütün istiqamətlərdə böyük həcmdə yükləri qəbul etməyə hazırdır. Xüsusilə də Vətən müharibəsindən sonra ölkəmizin genişlənən nəqliyyat-logistika imkanları, Zəngəzur dəhlizinin reallaşıdırlması məsələsi ölkəmizi Şərq və Qərb arasında mühüm nəqliyyat qovşağına çevirib. Məhz buna görə də bu gün Mərkəzi Asiya ölkələrindən, eyni zamanda Çindən Avropaya gedən ən qısa, həm də təhlükəsiz tranzit daşımlara Azərbaycanımızı Regionun ən mühüm dövlətinə çevirib. 

Qeyd etmək istərdik ki, Azərbaycanda tacik xalqının milli mədəniyyət günlərinin keçirilməsi mühüm hadisədir və dövlətlərimiz arasındakı münasibətlərə öz gözəl töhfəsini verəcəkdir", M.Məmmədli qeyd edib.