Bu gün güclü maqnit qasırğası olacaq

Günəşdə bir neçə oblastda baş verən M sinif M 1.0 və M 2.7 alışmaları səbəbindən Günəş aktivliyinin səviyyəsi artıb.
Manevr.az xəbər verir ki, bu barədə Bakı Dövlət Universiteti (BDU) məlumat yayıb.
Universitetin Fizika fakültəsinin Astrofizika kafedrasının araşdırmasına əsasən, lakin Yerə yönələn tac kütlə atımaları müşahidə ediməyib.
Qeyd edilib ki, Günəş aktivliyi M (R1-R2 mülayim orta) və müəyyən ehtimalla X (R3-güclü) səviyyədə olacaq.
Bildirilib ki, 03-05 may tarixlərində aktivlik səviyyəsi azalacaq: "Hazırda geomaqnit qasırğanın səviyyəsi yüksəkdir. G2 geomaqnit qasırğa səviyyəsində olan geomaqnit sahəsindəki artım günortaya, saat 15.00 radələrinə kimi davam edəcək, qasırğa səviyyəsi G1 səviyyəsinə və daha sonra normal hala enəcək. Saat 15.00-dan sonra maqnit qasırğa aktivliyini göstərən əmsal normal fon səviyyəsində olacaq".