Əhməd Məmmədovun şəhadətə ucalmasının 30-cu ildönümü qeyd edilib

Bu barədə Manevr.az-a açıqlama verən Milli Məclisin üzvü Müşfiq Məmmədli bildirdi ki, tədbirdə öncə şəhid Əhməd Məmmədov barəsində məlumat verilib. Daha sonra şəhidimizin oğlu, tanınmış jurnalist Zaur Əhməd çıxış edərək Azərbaycan xalqının yaddaşında hər bir şəhidin qəhrəmanlıq dastanı əbədi qalacağını bildirib: "O, hazırlanan “Şəhid Əhməd – Oğluma məktub” filminin necə ərsəyə gəlməsindən danışdı. 

Filmin ssenari müəllifi, ehtiyatda olan zabit Seymur Şahbazzadə film barədə ətraflı məlumat verib. Filmdə müharibənin ilk illərindən son qələbəyə kimi baş verən proseslərin əks olunduğunu, ağır mühəribə dövründən mütləq qələbəyə qədərki hadisələrin yer aldığını bildirdi və  film təqdim olundu. Mllət vəkili olaraq çıxış etdik və şəhidimizi hörmətlə anaraq gələcəkdə bu cür filmlərin xalqımızın formalaşmasında mühüm rol oynayacağını vurğuladıq", deputat qeyd etdi.

Vurğulayaq ki, tədbirdə deputat  Ceyhun Məmmədov, şəhid ailələrinin üzvləri, qazilər, dövlət və ictimaiyyət nümayəndələri, fəlsəfə doktoru Mail Yaqub, Qarabağ Müharibəsi Əlilləri, Veteranları və Şəhid Ailələri İctimai Birliyinin Sumqayıt şəhər şöbəsinin sədri Tərlan Hacızadə iştirak edib.