Xəbər lenti
CASCFEN yeni layihə çərçivəsində ilk seminarını keçirdi - FOTO
Orta Asiya və Güney Qafqaz Söz Azadlığı Şəbəkəsi (CASCFEN) “Təhsil işçilərinin media ilə əlaqələrinin optimallaşdırılması” layihəsi çərçivəsində Bakıda ilk seminarını keçirib. Seminar Beynəlxalq Avrasiya Mətbuat Fondunda (BAMF) gerçəkləşdirilib. Layihənin maliyyə yardımı Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası tərəfindən təmin edilir.
Tədbirin açılışında çıxış edən CASCFEN sədri, layihənin eksperti Azər Həsrət verdiyi dəstəyə görə Azərbaycan dövlətinə, Prezident yanında QHT-lərə Dövlət Dəstəyi Şurasına və BAMF-a təşəkkür edib.
CASCFEN sədri layihə haqqında qısa bilgi verdikdən sonra layihə rəhbəri Ülkər Piriyeva çıxış edərək iştirakçılara seminarla bağlı geniş bilgi verib.
Layihənin eksperti, Space TV-nin redaktoru Dr. Nüşabə Hüseynli iştirakçılara təhsil işçiləri və jurnalistlər arasında münasibətlərin qurulması yolları barəsində danışıb. O, özəlliklə bu müstəvidə etik normalara və ümumi qəbul edilmiş qaydalara əməl edilməsinin və hər iki tərəfin öz hüquqlarını bilməsinin vacibliyini vurğulayıb. Ayrı-ayrı örnəklərlə çıxışını zənginləşdirən ekspertə müxtəlif suallar ünvanlanıb. O, suallara cavab verməklə bərabər iştirakçıların təkliflərini də dinləyib.
Seminarın sonunda yazılı sorğu keçirilib. Azər Həsrət, əməkdar jurnalist Nadir Azəri, diaspora.az saytının redaktoru Nail Əhməd və layihə rəhbəri Ülkər Piriyeva çıxışlarında jurnalistlər və təhsil işçiləri arasında bəzi problemli məsələlərə toxunublar. Belə halların həlli yollarını müzakirə ediblər.
Seminarda Bakı, Abşeron və Sumqayıtdan olmaqla 27 nəfər müəllim iştirak edib. Sonda iştirakçılara sertifikatlar təqdim edilib.
Qeyd edək ki, layihə çərçivəsində növbəti seminarlar Kürdəmir (14 iyun) və Saatlıda (28 iyun) keçiriləcək.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar