İlham Əliyevin Prezident seçilməsinin 20 illiyi ilə bağlı bir qrup fəal gənc birinci və ikinci fəxri xiyabanı ziyarət edib

İlham Əliyevin Prezident seçilməsinin 20 illiyi ilə bağlı bir qrup fəal gənc birinci və ikinci fəxri xiyabanı ziyarət edib -ŞƏKİLLƏR

Tarix: 23-10-2023 11:21 Baxış: 3308 A- / A+

Milli Məclisin deputatı Aqil Məmmədovun köməkçisi Zahir Əliyev, Kəlbəcər rayon İcra Hakimiyyətinin qazilər və şəhid ailələri ilə işin təşkili şöbəsinin müdiri Tural Oruczadə, Kəlbəcər rayon İcra Hakimiyyətinin İctimai-siyasi və humanitar məsələlər şöbəsinin baş məsləhətçisi Hikmət Bağırov və Kəlbəcər rayonunda müxtəlif sahələrdə fəaliyyət göstərən bir qrup fəal gənc şəxsi təşəbbüsləri əsasında Möhtərəm Prezident, Müzəffər Ali Baş Komandan cənab İlham Əliyevin prezident seçilməsinin 20 illiyi ilə bağlı Birinci Fəxri xiyabanda xalqımızın Ümummilli lideri Heydər Əliyevin və Zərifə xanım Əliyevanın məzarlarını, Şəhidlər xiyabanını, Türk şəhidliyi abidəsini, İkinci Fəxri xiyabanı ziyarət ediblər.

Daha sonra Gənclərimiz Heydər Əliyev Mərkəzi və Hərbi Qənimətlər Parkını ilə tanış olublar. İlk öncə ziyarətçilər 1969-cu ildən 2003-cü ilədək ulu öndər Heydər Əliyevin Azərbaycana rəhbərlik etdiyi dövrlərdə xidməti istifadəsində olan avtomobillərə baxdılar.

“Azərbaycan inciləri” sərgisi ilə tanışlıq zamanı ziyarətçilərə Azərbaycan tarixini və mədəniyyətini əks etdirən bu ekspozisiyada ölkəmizin tükənməz təbii sərvətlərinin, çoxəsrlik tarixinin, mədəni irsinə dair nadir eksponatların nümayiş etdirildiyi barədə məlumat verilib. Bildirilib ki, bu sərgi Azərbaycan tarixi və mədəniyyətini öyrənmək üçün interaktiv və müasir vasitə kimi diqqəti çəkir.

Hərbi Qənimətlər Parkında olarkən Müzəffər Ali Baş Komandan İlham Əliyevin rəhbərliyi ilə şanlı Azərbaycan Ordusunun əsgərlərinin qəhrəmanlığı, o cümlədən ordumuz tərəfindən məhv edilmiş və hərbi qənimət kimi ələ keçirilmiş Ermənistan silahlı qüvvələrinə məxsus müxtəlif tipli hərbi texnikalar, silahlar, döyüş postları və müdafiə sədləri barədə ətraflı məlumat verilib. Ziyarətçilər, həmçinin Parkdakı eksponatların arasında Silahlı Qüvvələrimizin işğaldan azad olunan ərazilərdə ermənilərdən qənimət götürdükləri 2 mindən çox avtomobilin nömrə nişanlarından hazırlanan və üzərində “Qarabağ Azərbaycandır!” şüarı əks olunan kompozisiya, Ermənistan tərəfindən törədilən müharibə cinayətləri, dinc sakinlərin qətlə yetirilməsi və yaralanması barədə faktlar, düşmən tərəfindən Azərbaycan ərazisinə atılmış “İskəndər-M” raketinin qalıqları ilə tanış olublar.
Eyni zamanda gənclərimiz Müzəffər Ali Baş Komandanın Xankəndində, Xocalıda, Ağdərədə, Əsgərənda, Sərsəng su anbarında dövlət bayrağımızın qaldırılmasını böyük sevinclə qarşılayıblar. Qarabağımızın, bütöv Azərbaycanımızın memarı, gənclərin dəstəkçisi, cənab Prezidentlə gənclərimiz qürur duyur, fəxr edir, Ondan güc alır. Gənclər əminliklə vurğulayıblar ki, onlar Ulu Öndər idealları ilə silahlanaraq, hər zaman Müzəffər Ali Baş Komandanın ətrafında sıx birləşib, onun müsəlləh əsgərləri kimi istənilən tapşırığı icra etməyə hazırdırlar.

Manevr.az