Xəbər lenti
Qarabağla bağlı ağlasığmaz ssenari – “Sabah belə bir sənəd qəbul edilsə...”
Manevr.az xəbər verir ki, bunu politoloq Elxan Şükürlü deyib.
Ekspert sabah BMT Təhlükəsizlik Şurasında Azərbaycan əleyhinə keçiriləcək müzakirəyə diqqət çəkib:
“Azərbaycana qarşı Qərbdən təzyiqlərin yenidən gücləndiyi bir vaxtda Ermənistanın müraciəti əsasında BMT Təhlükəsizlik Şurasında “Qarabağ ermənilərinin durumu” müzakirəyə çıxarılacaq. Ermənistanın əsas məqsədi odur ki, BMT Təhlükəsizlik Şurası Azərbaycanın Qarabağ ermənilərini “blokada”da saxladığı, “humanitar böhran” yaratdığı haqda sənəd qəbul etsin. Çünki belə bir sənədin qəbulu Ermənistan hakimiyyətinə və onun Qərbdəki himayədarlarına vaxtilə Kosovoda tətbiq edilən modeli bu dəfə Qarabağ danışıqlarına daşımaq fürsəti verə bilər.
Neçə vaxtdır, Ermənistanın Azərbaycanla sülh danışıqlarında xüsusi qabartdığı “Qarabağ ermənilərinin hüquq və təhlükəsizliklərinə beynəlxalq zəmanət” tezisinin kökündə də, əslində, “Kosovo presedenti”nə istinad və süni şəkildə belə bir durumun yaradılması ssenariləri dayanır.
Əsas missiyası dünyada sülhü və təhlükəsizliyi qorumaq olan BMT-nin artıq öz funksiyasını yerinə yetirə bilmədiyinə və tamamilə nüfuzdan düşməsinə baxmayaraq, bu qurumun beynəlxalq güclərin əlində bir alətə çevrildiyi və dünyaya ən böyük təhlükənin də elə BMT Təhlükəsizlik Şurasının 5 daimi üzvünün olduğu faktını heç vaxt unutmamalıyıq”.
Elxan Şükürlü son sözü Azərbaycanın deyəcəyini bildirib:
“Sabah Nyu-Yorkda keçiriləcək müzakirələrin bizim üçün ən önəmli nəticələrindən biri, şübhəsiz ki, bu güclərin mövqeyini yenidən test etmək, Qarabağdakı erməni separatizmini hansı dövlətlərin açıq şəkildə dəstəklədiyini, Azərbaycanın maraqlarını isə hansı ölkələrin qoruduğunu görmək və gələcək münasibətlərin məsafəsini də ona uyğun qurmaq olacaq.
Problemin köklü həllində son və qəti sözü isə, əlbəttə, yenə də Azərbaycan əsgəri deyəcək”.teleqraf.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar