Xəbər lenti
Aqil Məmmədov - “Ermənistan 3 ildə sülhə doğru bir addım da atmayıb”
Azərbaycan Xarici İşlər Nazirliyi Mətbuat Xidmətinin məlumatına görə son günlər ərzində beynəlxalq tərəfdaşların səyləri nəticəsində “Ağdam-Xankəndi” yolundan BQXK tərəfindən yüklərin daşınması üçün istifadə olunması və bundan 24 saat sonra Laçın yolundan BQXK vasitəsilə keçidin daha da intensivləşməsinə dair razılıq mövcud olub. Amma, son anda ermənilər bu razılaşmaları pozub.Milli Məclisin deputatı Aqil Məmmədov açıqlamasında bildirib ki, Azərbaycanın təklifi əsasında Yevlax şəhərində Azərbaycanın rəsmi şəxsləri ilə Qarabağda yaşayan erməni sakinlərin nümayəndələri arasında görüşün keçirilməsi haqda beynəlxalq vasitəçilərin dəstəyi ilə razılıq əldə olunsa da, ermənilər son anda bu razılaşmadan qaçıb: “Bunun bir adı var: münaqişəni davam etdirmək. Ermənistan 3 ildə sülhə doğru bir addım da atmayıb. 1988-ci ildən hansı mövqedədirsə, bu gün də o mövqeyində qalır. Sadəcə olaraq, 44 günlük Vətən müharibəsində elə bir zərbə alıblar ki, indi vaxt udaraq toparlanmaq, beynəlxalq dəstək qazanmaq istəyirlər”.
A.Məmmədovun sözlərinə görə Ermənistan bir daha Azərbaycanla hərb meydanında üz-üzə gələ bilməyəcəyini yaxşı bilir: “Baxmayaraq ki, indi bəzi dövlətlər, konkret, Hindistan, İran Ermənistanı ən müxtəlif silahlarla təchiz etməyə başlayıblar. Amma, Ermənistan daha çox Qərbdən, müxtəlif beynəlxalq təşkilatlardan və ermənipərəst mövqeyi ilə ad çıxarmış beynəlxalq media orqanlarından istifadə edərək Azərbaycanı təzyiq hədəfinə çevirmək istəyir. Azərbaycana qarşı hansısa sanksiyaların tətbiqinə çalışırlar”.
Millət vəkili bildirib ki, Azərbaycanın işi haqq işi olduğu üçün heç bir təzyiq mexanizmi bizi hədəflərimizdən yayındırması mümkünsüzdür: “Cənab Prezident dəfələrlə bəyan edib ki, bizimlə heç kim təzyiq dili ilə danışa bilməz. Ona görə də, Ermənistan sözdə ifadə etdiyi kimi Azərbaycanın suverenliyini tanıyırsa, onun iradəsindən kənar “yardım kolonu” şousu yaradıb Azərbaycanı hansısa güzəştə məcbur edə bilməz”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar