Xəbər lenti
“Fövqəladə hallar könüllüləri” Proqramına start verildi
Ölkəmizdə və ölkə hüdudlarından kənarda fövqəladə halların qarşısının alınması və nəticələrinin aradan qaldırılması sahəsində könüllülük hərəkatını inkişaf etdirmək, o cümlədən əhaliyə zəruri yardım və dəstək göstərməyə hazır olan könüllüləri formalaşdırmaq məqsədilə Fövqəladə Hallar Nazirliyinin və Azərbaycan Könüllü Təşkilatları İttifaqının birgə təşəbbüsü və tərəfdaşlığı ilə “Fövqəladə hallar könüllüləri” proqramına start verilir. 6 fevral 2023-cü il tarixdə Türkiyədə baş verən zəlzələ zamanı Azərbaycan Respublikasının Prezidenti cənab İlham Əliyevin çağırışına əsasən 150 nəfər Azərbaycan Könüllüsündən ibarət heyət, qardaş ölkəyə yollanaraq zərəçəkən əhaliyə humanitar yardım göstərilməsi, çadırların qurulması, təminat və digər ehtiyacların paylanılması, zəlzələdən əziyyət çəkən uşaqlarda yaranan travmaların qismən aradan qaldırılması proseslərində iştirak ediblər. Qeyd edək ki, bu Azərbaycan Könüllülərinin xaricdə genişmiqyaslı fövqəladə hal zamanı ilk fəaliyyətidir. Bu təcrübədən irəli gələrək “Fövqəladə hallar könüllüləri” Proqramına könüllülərin qəbulu üçün qeydiyyata start verilib. Qeydiyyatdan keçən könüllülərin ilkin qiymətləndirilməsi başa çatdıqdan sonra müsahibə mərhələsindən də uğurla keçən könüllülər peşəkar təlimçilər tərəfindən müxtəlif sahələr üzrə təlimlərə cəlb olunacaqlar. Qeyd edilən müddət ərzində davam edəcək təlim mərhələsi zamanı könüllülər, fövqəladə hallar və həyat təhlükəsizliyi, yarana biləcək situasiyalarda davranış qaydaları, qəza hallarında, yaralanma və s. situasiyalarda ilk yardım və ilkin psixoloji yardım göstərmək, yanğından mühafizə, mülki müdafiə və s. təlimlərdə iştirak edəcəklər. Könüllülərin ümumilikdə müxtəlif istiqamətlər üzrə (tədbirlərdə fəaliyyət, yanğın təhlükəsizliyi, mülki müdafiə, maarifləndirmə, axtarış-xilasetmə, ilk yardım, ilkin psixoloji yardım, humanitar yardım və s.) fəaliyyət göstərmələri nəzərdə tutulub. Proses tamamlandıqdan sonra isə sertifikatla təmin olunan könüllülər, qeyd edilən istiqamətlər üzrə qruplara bölünərək “Fövqəladə hallar könüllüləri” olaraq fəaliyyətə başlayacaqlar.Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Kriminal
Yazarlar
Əkbər QOŞALI
İlqar İlkin
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
Sorğu
Portalımızı dəyərləndirin.
Çox oxunanlar