Deputat Müşfiq Məmmədli Tərtər rayoninda səfərdə olub

Deputat Manevr.az-a bildirib ki, səfər çərçivəsində rayon İcra Hakimiyyətinin başçısı Müstəqim Məmmədovla görüşüb və o, Tərtər rayonunda görülən işlərlə onu yaxından tanış edib: "Həqiqətən burada dövlətimiz adına çox yüksək səviyyədə işlər görülür. Rayonun hər bir küçəsi göz oxşayır. Rayonda kənd təsərrüfatı sahəsində canlanma müşahidə olunur. Burada müxtəlif emal müəssisələri yaradılmışdır. İntensiv bağçılıq təsərrüfatları yaradılması istiqamətində böyük addımlar atılmışdır.  Eyni zamanda qeyd etmək istərdim ki, vaxtı ilə müharibə şəraiti ilə əlaqədar Tərtərin bir hissəsində abadlıq işləri aparılması müşkül məsələyə çevrilmişdi. 44 günlük Vətən müharibəsində qazanılan qələbədən sonra artıq həmin ərazilər də diqqət və qayğı ilə əhatələnib", deyə deputat qeyd edib. 

M.Məmmədli bildirib ki,  Tərtərdə xoş bir təsadüf nəticəsində Avrasiya Beynəlxalq Mətbuat fondunun rəhbəri Umud Mirzəyev, politoloq, jurnalist Fuad Abbasov və digər şəxslərlə rastlaşıb: "Umud Mirzəyev ərazidə minatəmizləmə işləri ilə bağlı bizə məlumat verdi. Həmçinin Dünyanın ən böyük mina təmizləmə təşkilatı olan MAG -ın Azərbaycan üzrə ölkə direktoru Jeanette Dijkstra və digər əməkadaşlar ilə görüşdük. Məlumat üçün bildirdim ki, mina təmizləmə işlərinə xarici vətəndaşlarla yanaşı vətəndaşlarımız da cəlb olunub. Xanımların bu işdə fəallığını isə xüsusi olaraq təqdirəlayiq hal kimi qiymətləndirmək istərdim", deputat vurğulayıb.