.png)
Xəbər lenti
Ermənistanın Azərbaycana qarşı iddiası niyə qəbul edilmədi? – BƏM-nin obyektiv mövqeyinin səbəbi
İyulun 7-də Beynəlxalq Ədalət Məhkəməsi (BƏM) Ermənistanın 2023-cü il 12 may tarixli vəsatətini rədd edərək, Ermənistanın Azərbaycana qarşı işində məhkəmənin 22 fevral 2023-cü il tarixli qərarının ləğv edilməsinə dair Beynəlxalq Konvensiyanın tətbiqi ilə bağlı tələbindən imtina edib.
Bununla bir daha Ermənistanın Laçın sərhəd-keçid məntəqəsinin götürülməsi ilə bağlı tələbinin beynəlxalq müstəvidə də əsassız olduğu vurğulandı.
Mövzu ilə bağlı Globalinfo.az-a danışan politoloq Zaur Məmmədov deyib ki, Ermənistanın tələbinin geri çevriləcəyi bəlli idi:
“Ermənistan xüsusilə xahiş edir ki, Məhkəmə Azərbaycandan mübahisənin mahiyyəti üzrə həllini gözləyərək “23 aprel 2023-cü il tarixindən etibarən Laçın dəhlizində və ya onun boyunca yerləşdirilən hər hansı bir kontingentin çıxarılmasını və aşağıdakı müvəqqəti tədbirlərin görülməsini tələb edir. Hər hansı belə kontingenti Laçın dəhlizində və yol boyunca yerləşdirməmək”. Yəni bu o deməkdir ki, Laçın dəhlizindən Azərbaycan dövlətinə aid olan bütün strukturlar çıxarılmalıdır. Beynəlxalq Ədalət Məhkəməsi əvvəlki qərarına Ermənistanın bu tələbinin əlavə edilməsini qəbul etməyib.
Ermənistan tərəfindən danışıqlar aparan Yeqişe Kirakosyan dünən dünya ictimaiyyətini aldadaraq guya İrəvanın Beynəlxalq Ədalət Məhkəməsində Azərbaycana qarşı ikinci iddiasının qəbul edilməsi haqqında bəyanat verib. Əslində isə, Beynəlxalq Ədalət Məhkəməsi Laçın dəhlizi ilə bağlı fevralın 22-də çıxardığı qərarını təsdiqləyib.
Beləliklə, Laçında Azərbaycanın nəzarət-keçid məntəqəsini yerləşdirməsi beynəlxalq aləm tərəfindən qəbul edilir və ermənilərin bu istiqamətdə diplomatik həmlələrinin heç bir nəticəsi olmayacaq.
Məlum məsələdir ki, beynəlxalq hüquqda ən ali prinsip – ərazi bütovlüyünün təmin edilməsi və sərhədlərin toxunulmazlığıdır.
Azərbaycan Laçında sərhəd-keçid məntəqəsini yerləşdirərək dövlətlər arasında gəliş-gedişin qanuni əsaslarda təmin edilməsinə nail olub. Hazırda ermənilər sərbəst şəkildə yoldan istifadə edə bilirlər.
Ermənistanı və separatçıları narahat edən əsl səbəb isə Azərbaycanın Laçında müvafiq post qurmasından sonra Ermənistandan Qarabağa terror məqsədli qanunsuz yüklərin, silahların, terrorçu qrupların girişinin qarşısının alınmasıdır.
Manevr.az
Xəbəri paylaş
Çox oxunanlar
Son yüklənənlər
.jpg)
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar