Azərbaycanın regonda şəriksiz lider olmasını bir daha Moskvada Paşinyana və onun havadarlarına bəyan edən Ali Baş Komandan İlham Əliyev ölkəmizin dünya və regionun siyasətində yerinin aliliyini Moskvada bir daha bəyan etmiş oldu.
Moskva öncə Litvada səfərdə olan dövlət başçısının Litvanın ali rəhbəri tərəfindən yüksək səviyyədə qarşılanması, böyük ehtiram göstərilməsinin tək səbəbi var, güclü Azərbaycanın və onun güclü liderinin dünya siyasətində mövqeyi və təsiridir. Keçmiş sovet respublikaları və dünya dövlətləri bir mənalı olaraq regionda atacağı addımları lahiyə və proyektləri Azərbaycanla, prezident İlham Əliyevlə məsləhət və razılaşmalardan sonra həyata keçirdirlər. Prezident İlham Əliyev cənablarının və birinci xanım Mehriban Əliyevanın yüksək səviyyədə qəbula görə təşəkkürü diqqətlərdən yayınmadı. Bu gün Azərbaycan inkişaf edir, güclənir, dünya siyasətində öz sözünü layiqincə deyir.
Litva səfəri sonu, mayın 25-də Moskvada Ali Avrasiya İqtisadi Şurasının geniş tərkibdə iclası keçirilib. Rusiya prezidenti Vladimir Putinin dəvəti ilə işgüzar səfərə gələn prezident İlham Əliyev iclasda iştirak edərək nitq söyləyib. Moskvada Rusiya prezidenti Vladimir Putin tərəfindən yüksək səviyyədə qəbul edilən prezident İlham Əliyev Ali Avrasiya İqtisadi Şurasının geniş tərkibdə iclasının keçirildiyi vaxt Ermənistan baş nazirinin yersiz replikasına layiqli cavabı ilə onu susdurmaqla bərabər, onların havadarlarına öz mesajını çatdırmış oldu. Bir-birinin ardınca uğurlu səfərlər sonrası Ali Baş Komandan vətənə dönərkən Bakıdan Kəlbəcərə və Laçına səfər etməsi, Kəlbəcərdə elektrik stansiyasının açılışı və yeni yaşayış məntəqələrinin bərpası, təməlqoyma mərasimi, Kəlbəcərdə hərbi hospitalın açılışını etdi. Laçına səfərində isə rayona böyük qayıdış çərçivəsində dönən sakinlərə evlərinin açarlarını təqdim edən cənab prezident, Laçında bir çox dövlət əhəmiyyətli obyektlərin açılışında və yeni tikililərin təməl qoyma mərasimində iştirak etdi.
28 May Cümhuriyyət bayramımızın 105 ci il dönümünü Qarabağda qarşılayan, cümhuriyyətin yarandığı gündə Laçında cümhuriyyətimizin adını daşıyan küçənin açılışı ilə, bir daha Azərbaycanın məqsəd və məramı haqqında region dövlətlərinə və dünyaya mesaj vermiş oldu. Biz regonda söz sahibi olaraq Ermənistana və havadarlarına xəbərdar edirik. Regionda sülh əmin amanlıq içərisində yaşamaq istəyirsinizsə Azərbaycanla sülh şəraitində ərazi bütövlüyünə hörmət edərək yaşamalısınız. Əks halda cənab Prezidentin dediyi kimi Dəmir yumruq yerindədir. Tanrı Azərbaycanımızı, dövlətimizi qorusun. 28 may cümhuriyyət bayramımız mübarək olsun!