Qarabağ zəfəri Ulu öndərin arzularının ali zirvəsi idi

Ölkəmizdə təntənə ilə ümumi milli lider Heydər Əliyevin anadan olmasının 100 illiyini qeyd edirik. 

Heydər Əliyev deyəndə Azərbaycan dövlətçiliyinin varlığı,  dünəni və bu günü gəlir gözlərimiz önünə. Ölkəmiz keçmiş sovet ittifaqının tərkibində,  istərsə də ondan sonrakı  müstəqil dövründə Azərbaycan dövlətinin qüdrətlənməsi və güclənməsi üçün Heydər Əliyevin əməyi və əzyəti danılmazdır. Yürütdüyü uzaqgörən siyasət nəticəsində Azərbaycan dövlətinin varlığını qorumaq naminə etdiyi işlər göz önündədir. Sovet İttifaqının politbüroda yüksək vəzifədə olduğu dövrdə belə Azərbaycanda baş verən hadisələri mütamadi olaraq izləyir,  Moskvada yaşamağına baxmayaraq ölkəiçi baş verən içtimai və siyasi hadisələri nəzarətdə saxlayırdı. Politbürodan uzaqlaşdırılsa belə, Bakıda baş verən 20 Yanvar hadisələrinə Heydər Əliyevin bir mənalı münasibəti hər kəsə bəllidir. Uzun illər xidmət etdiyi sovet KQB-sinin nələrə qadir olduğunu bilən ulu öndər bütün bunları nəzərə alaraq,  Moskvada mətbuat qarşısında çıxış edərək sovet ordusunun əli yalın xalqa qarşı qətlam törətməsini dünyaya bəyan etdi. Daha sonra böyük çətinliklərlə üzləşməsinə baxmayaraq Naxçıvana döndü, müstəqilllik dönəmində baş verən ölkə daxili  özbaşınalıqların qarşısını almağa böyük şəxsiyyət bir qrup ziyalı tərəfindən Naxçıvandan Bakıya dəvət edildi. Ulu öndər ölkəmizin içtimai- siyasi fəaliyyətində sabitliyi,  dövlət müstəqilliyinin qorunub saxlanılmasını təmin etdi. Bu gün ölkəmiz uğurla inkişaf edir, Heydər Əliyev siyasi kursunun layiqli davamçısı İlham Əliyev cənabları ulu öndərin yarımçıq qalan arzularının gerçəkləşməsi üçün əlindən gələni edir. 2020-ci ildə qazandığımız Qarabağ zəfəri ulu öndərin arzularının ali zirvəsi idi. Bu gün Şuşada Heydər Əliyev ili müzəffər Ali Baş komandanımız İlham Əliyev cənablarının iştirakı ilə qeyd edilir. Qarşıda bizi böyük zəfərlər,  böyük müjdəlr gözləyir. Tanrı Azərbaycanımızı qorusun!