Sumqayıtda Ümummilli lider Heydər Əliyevin anadan olmasının 100-cü ildönümü münasibətilə tədbir keçirilib

Abşeron-Xızı regional təhsil idarəsinin təşkilatçılığı ilə Sumqayıt Dövlət Dram teatrında Ümummilli lider Heydər Əliyevin anadan olmasının 100-cü ildönümü münasibətilə  keçirilən tədbirdə  şəhər  İcra Hakimiyyətinin başçıs Zakir Fərəcov, Millət vəkili Müşfiq Məmmədli, ziyalılar və  ictimaiyyət nümayəndələri iştirak ediblər.

Bildiyimiz kimi  may ayının onunda Azərbaycan xalqının Ümummilli Lideri, müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 ili tamam olur. 
Bu münasibətlə Abşeron-Xızı Regional Təhsil İdarəsinə tabeli təhsil müəssisələrində müvafiq tədbirlər planına uyğun olaraq silsilə tədbirlər davam edir və ulu öndərin irsinin yaşadılması, şagirdlərə təbliği istiqamətində böyük işlər görülür. Çıxış edənlər qeyd ediblər  ki, təhsilin intibahı məhz Heydər Əliyevin adı ilə bağlıdır.  Tədbir ədəbi bədii kompozisiyalarla davam etdirilib. Vurğulayaq ki, ümummilli lider Heydər Əliyevin çoxşaxəli siyasətində təhsil həmişə aparıcı yer tutub. Ulu öndər təhsil sahəsində atılan addımların gələcəyə yatırılan investisiya olduğunu qiymətləndirərək, bu sahəyə xüsusi diqqət ayırıb. Bu siyasət Heydər Əliyev siyasi məktəbinin yetirməsi, Prezident İlham Əliyev tərəfindən davam etdirilir və ölkəmizin inkişaf dinamikasına uyğun olaraq şaxələndirilir.