Manevr.az xəbər verir ki, bu barədə aprelin 13-də jurnalistlərlə görüşündə Ermənistanın baş nazirinin aparat rəhbəri Arayik Arutyunyan məlumat verib.
Azərbaycanın 4-ü idmançı olmaqla 12 nəfərdən ibarət nümayəndə heyəti artıq İrəvana gəlib. Onlar açılış mərasimində iştirak etməyəcəklər. İdmançıları formada saxlamaq üçün əlavə stresli vəziyyətlərdə olmamalıdırlar.
İdman dünyasında hətta münaqişəli ölkələrin komandalarını qəbul etmək adətdir. Biz Avropa Federasiyasının üzvü olan və iştirak etmək istəyən bütün ölkələri qəbul etməyə borcluyuq. Müraciət edəndə dedik ki, bütün ölkələrdən idmançıları qəbul edəcəyik və onların təhlükəsizliyini təmin edəcəyik.
Bu müddət ərzində Avropa Federasiyasının vasitəçiliyi ilə Azərbaycanın təhlükəsizlik komandası ilə yazışmalarımız olub. Partnyorlar əlavə təhlükəsizlik tələb etdilər və biz bunu təmin etdik. Biz bütün tədbirləri görmüşük: müşayiət, hava limanında qarşılanma, oteldə əlavə təhlükəsizliyin təmin edilməsi.
Azərbaycanla müzakirələrimiz son hadisələrdən əvvəl olub”, – deyə Arutyunyan bildirib.
Xatırladaq ki, aprelin 15-23-də İrəvanda ağır atletika üzrə Avropa çempionatı keçiriləcək. Çempionatın açılış mərasimi aprelin 14-də baş tutacaq.konkret.az
