.png)
Xəbər lenti
Sumqayıtda "31 Mart- qan yaddaşımızdır" adlı tədbir keçirilib -ŞƏKİL
Sumqayıt Şəhər Heydər Əliyev Mərkəzinin və Sumqayıt Şəhər Mədəniyyət İdarəsinin birgə təşkilatçılığı ilə "31 mart- qan yaddaşımızdır" adlı tədbir keçirilib.Tədbirin aparıcısı Azərbaycan Jurnalistlər Birliyinin üzvü şair-qəzəlxan Lilpar Cəmşidqızı qonaqları salamladı və tarixi yaddaşımızdan silinməyən 1918- ci il 31 Mart Azərbaycanlıların soyqırımı haqqında danışdı. Azərbaycan tarixində bir çox şanlı səhifələrlə yanaşı, faciələr, soyqırımlar və müsibətlərlə dolu səhifələr yazıldığını da qeyd elədi.
Tədbirdə Sumqayıt Şəhər Heydər Əliyev Mərkəzinin rəhbəri Qurbanova Vüsalə, Sumqayıt Şəhər Mədəniyyət Evinin direktoru Rəşidova Elnarə, bədii rəhbər Aslanova Kəmalə, Azərbaycan Vətən Müharibəsi Veteranları İctimai Birliyi(AVMVİB) sədrinin səlahiyyətli nümayəndəsi, 2-ci qrup əlil Rəhimov Zəkəriyə Yadulla oğlu, Polkovnik-Leytenant Zeydulla Mustafayev, Kapitan Fəxrəddin Behbudov 1918-ci ildən bu yana olan soyqırımlar haqqında ətraflı çıxış etdilər. 1920-ci il yanvarın 19-dan 20-ə keçən gecə Bakıda Azərbaycan xalqına qarşı cinayətkar hərbi əməliyyat keçirilməsindən, 1992-ci ilin fevralında Xocalı şəhərinin dinc əhalisinə misli görünməyən divan tutulmasından, erməni işğalçıları tərəfindən ölkəmizin 20 faizindən çoxunun işğal olunmasından, minlərlə Azərbaycan vətəndaşının şəhid olmasından ətraflı danışdılar. Tədbirdə M.Füzuli adına 15 nömrəli məktəbin şagird və müəllimləri də iştirak etdilər. Ətraflı çıxışlardan sonra məktəblilər Veteranlara maraqlı suallarla müraciət etdilər. Sonda, tədbirin aparıcısı Lilpar Cəmşidqızı qeyd etdi ki, bu qələbəni, zəfəri bizlərə yaşadan Ulu Öndər Heydər Əliyev siyasi kursunun layiqli davamçısı ölkə Prezidentimiz, Ali Baş Komandanımız İlham Əliyevin qətiyyəti, siyasi iradəsi, Güclü Ordumuz, Rəşadətli əsgər və zabitlərimizdir. Bu faciələr tariximizin bütün dövrlərində dəfələrlə təkrarlanmış həqiqətlərdir və bunları unutmağa mənəvi haqqımız yoxdur. Azərbaycan xalqı faciə qurbanlarının xatirəsinə hər zaman xüsusi qayğı və sevgi ilə yanaşır. Xalqımız qəhrəman qızlarını və oğullarını heç zaman unutmayacaqdır.
Nigar Nəriman
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar