.png)
Xəbər lenti
“Sabah Bakı İrəvanı istəyəcək, geri verəcəyik?” -Babayan Paşinyana qarşı
Baş nazirin xüsusi nümayəndəsi: “O zaman hər şeyi Azərbaycana verib gedək, Avstraliyada rahat yaşayaq”“Rusiya sülhməramlıları Artsaxın mövcudluğunda çox böyük, əsas rol oynayırlar. Rusiyanın sülhməramlı missiyası olmayacaq, Artsax olmayacaq, bu dəqiqdir. Kim deyir ki, rus sülhməramlıları getsə, yerinə başqaları gəlsə, daha yaxşı olacaq... Bəs hansı ölkənin sülhməramlıları gəlib burada öz missiyasını yerinə yetirəcəklər?” Ermənistan prezidentinin xüsusi nümayəndəsi David Babayan “Aravot”a müsahibəsində belə deyib. Qeyd edək ki, erməni baş nazir Nikol Paşinyan hökumətin bugünkü iclasında deyib ki, Rusiya hər hansı obyektiv səbəbə görə öz missiyasını yerinə yetirə bilmirsə, o halda BMT Təhlükəsizlik Şurasına müraciət edilməlidir.
Sülhməramlıları mövzusunu davam etdirən David Babayan deyib ki, digər ölkələrin sülhməramlı qüvvələrinin Qarabağa cəlb edilməsi “daha mürəkkəb və qeyri-müəyyən geosiyasi vəziyyət yaradacaq”. “Rusiya sülhməramlıları gedəndə və başqaları gələndə Artsax artıq mövcud olmayacaq. Bu, bir neçə saat məsələsi ola bilər. Sülh və sabitlik yalnız Rusiyanın məsuliyyətidirmi? Mənim qənaətimcə, biz çalışmalıyıq ki, Rusiyanın sülhməramlı missiyasının şübhə altına almayaq, əksinə, onlara kömək edək. Anti-Rusiya qüvvələri Artsax haqqında düşünmürlər. Yəni bizi alver obyektinə çevirərək başqa geosiyasi oyunlar oynayırlar".
David Babayan deyib ki, Ermənistanın Türkiyə və Azərbaycanla münasibətlərinin normallaşmasının əleyhinə deyil. “Ancaq nəyin bahasına? Türkiyə və Azərbaycan bəyan edir ki, Artsax bizimdir, İrəvan Qərbi Azərbaycandır. Təbii ki, biz qonşularımızla yaxşı münasibət qurmaq istəyirik, amma onların istədikləri milli maraqlarımıza uyğundurmu?”. D.Babayan Paşinyanın son mətbuat konfransında “Azərbaycan qalib tərəfdir, şərtləri onlar diktə edirlər” fikrindən də narazı qalıb. David Babayan: “Kim dedi ki, altı ay və ya bir ildən sonra Azərbaycan yenə qalib tərəf olacaq? Vəziyyət elə inkişaf edir ki, ümumiyyətlə, qalib tərəf olmaya bilər”.
Babayan xatırladıb ki, Ermənistan da 30 il qalib tərəf olub. “Azərbaycan hər şeyi istəyir, bu o deməkdirmi ki, biz hər şeyi verməliyik? Biz düzgün siyasət aparmalıyıq, çünki belə davam etsə, domino üslubunda hər şeyi alacaqlar. Sabah İrəvanı istəyəcəklər, geri verəcəyik? O zaman hər şeyi onlara verib gedək, Avstraliyada rahat yaşayaq” deyə, o bildirib. musavat.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar