Sizin Reklam Burada
Xəbər lenti
28-03-2024
27-03-2024
BÜTÜN XƏBƏRLƏR

“Ermənilər Qazağın kəndlərini qaytarmağa şifahi razılıq vermişdi” - Musabəyov

Tarix: 06-01-2023 10:12     Baxış: 3191 A- / A+

“Əslində müharibə regionda marağı olan heç bir tərəfə sərfəli deyil. Ancaq sülh istiqamətində irəliləyiş olmadığı halda təbii ki, risklər müharibəyə gətirib çıxara bilər. Məsələn, Qazax istiqamətində olan kəndlərimizin azad edilməsini Ermənistan 2020-ci ilin payızında şifahi boyun olmuşdu, ancaq indi ondan imtina edir. Üçtərəfli razılaşmaya əsasən öz ordusunun qalıqlarının bizim torpaqlarımızdan çıxarılması öhdəliyi götürmüşdü, lakin hazırda hər vəclə bundan qaçır. Zəngəzur dəhlizinin açılması ilə bağlı konkret öhdəlik var, amma bundan yayınır. Belə olan təqdirdə bu davranışlar birmənalı qiymətləndirilə bilməz, Azərbaycan məcbur olub qarşı tərəfi ağıllandırmaq üçün digər üsullara əl ata bilər. Ancaq böhranı yaradan Ermənistandır, onun öhdəliklərdən boyun qaçırmasıdır”.

Manevr.az xəbər verir ki, bunu teleqraf.com-a Milli Məclisin deputatı Rasim Musabəyov deyib.
Regionda yeni müharibənin başlamasına və beynəlxalq oyunçuların bunda nə dərəcədə maraqlı olmasına gəldikdə millət vəkili deyib ki, Rusiyaya indi müharibə sərf etmir: “Rusların hazırda prosesə müdaxilə etmək imkanı yoxdur.
Avropa İttifaqının da hərbi qarşıdurma və müharibənin olmasında marağı yoxdur. Orada bir qədər canfəşanlıq edən Fransadır. Fransa nə edəcək? Onun nəyə ələ çata bilər? Əgər gücü varsa, buyurub Ukraynaya köməklik etsin. Yaxud hazırda Gürcüstanın prezidenti, kölgə rəhbəri İvanaşvilinin cibində Fransa pasportu var. İmkanı varsa, Gürcüstana köməklik etsin. Gəlib burada nə qələt edəcək? Fransanın əli bura çatası deyil.
Amerikaya gəldikdə aydındır ki, boş şeydir. Hansı maraq ABŞ-ı bura hərbi cəhətdən müdaxilə etməyə vadar edə bilər? Deməli, müharibə ABŞ-a da sərf etmir. Burada aranın qarışmasına az-çox meyl edən İrandır. Ancaq Tehranda anlayır ki, əvvəla, bu, onun başında çatlaya bilər. İsrail, ABŞ, Səudiyyə Ərəbistanı da İranın səhv addım atmasını gözləyir ki, təpəsindən vursun. Şükürlər olsun ki, Türkiyə və Pakistan İranı iki tərəfdən əhatə edir. Düşünmürəm ki, İran özündə cəsarət taparaq bölgəni qarışdırmaq üçün real addımlar atsın.
Onun fikrincə, belə olan halda Ermənistan meydanda təkdir: "Nikol Paşinyan da, katalikos da açıq dedi ki, biz Azərbaycanla üz-üzə qalmışıq və təkik. Amma nəzərə alsaq ki, Azərbaycanın hərbi üstünlüyü Ermənistanla müqayisədə dəfələrlə çoxdur, deməli, onlar ağıllarını başlarına yığmalıdırlar. Əks halda dəmir yumruğun dadını yenidən görməli olacaqlar”.

Manevr.az

Xəbəri paylaş







Adınız:*
E-Mail:
Şərhiniz:
  • winksmile
    laughing
    angry
Kodu yazın: *
yenilə, əgər kod görünmürsə



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Sorğu


Portalımızı dəyərləndirin.



Çox oxunanlar