Böyük Türk dünysının tanınmış şairi, qələm adamı Coşqun Qarabuludun bu gün doğum
günüdür. Fəthiyə Ədəbiyyt Qrupunun və “Könül Yolçusu” layihəsinin Türkiyə rəhbəridir. Bütün
ömrünü, həyatını halallıq içində yaşayan, onu tanıyanaların ürəyində taxt quran dəyərli könül
dostumuzu doğum günü münibətiylə ürəkdən təbrik edirik. Can sağlığı, gözəl günlər arzu edirik.

PAYIZ ÇÖLÜ

Ömrün payız çölündə
zaman sarı yarpaq.
Ağarmış saç- saqqal.
Qanayan dodaqlarım
duz dadında.
Mən sizi öpə bilmərəm artıq.
Sapsarı göndərir şüasını günəş.
Min bir töhmətlə:
ərincək, ölgün.
Marağındaydım sanki,
mənim dodaqlarım paralanmış.
Bir dəstə sevgi gülü yetərdi,
Bir də göy üzündən enən yar baxışları.
Payız çölündə
bəlkə də toz əlindən
rəngini dəyişmiş zaman.
Bir yanda bədənim saralmaqda,
O biri yanda sənin mavi gözlərin.
İlişib qalmışam.
Zaman-
dünən, bu gün, sabah
gözlərin sevgiylə əl- ələ tutmasıdır,
ay işığında
baxışlar dənizində
seyretməkdir həyatı.
Deyirəm ki, gözəlim,
tut əllərimi, buraxma nə olar.
Al , səndə qalsın gözlərim.

BU NECƏ İŞDİR

Bu necə işdir,
Məndən Səni çıxardım,
Sən qaldın.
Səndən məni çıxardım,
Yenə sən qaldın.
Bu necə işdir,
Mən haradayam?

YOL AYRICI

HƏYAT – bir yumurta kimi,
Ya quş olub uçacağıq,
Ya da bizdən
Omlet bişirəcəklər.....

EŞQ ŞORBASI

Canım çəkdi neçə dəfə
Oturub zaman yeməkxanasında
bir eşq şorbası içməyi.

Mədəm bulandı neçə dəfə,
milçək çıxdı içindən.
Çəngəl əlimdə qaldı həmişə.

ADAM KIMI

Hər kəs pula çevirir hər şeyi.
Mənsə pulu çevirirəm hər şeyə.
Hər şeyə
bir az sevgi,
bir az təbəssüm qatıb
özümə bənzədirəm
adam kimi.

GECƏLƏR

Hər kəsin dörd nala çapdığı
gecə çölündən
keçərək gəlirəm,
düşüb qalxaraq
toz içində.
Səhərlər gec qalxmağım bundan,
siz gəldiyimə şükr edin.


ƏDALƏT

Dünyada ən ədalətli
insanın kölgəsidi,
Zəncidə də,
ağ insanda da
həmişə qaradı.


QİSMƏT

Buludların toqquşması-
ölümüdür.
Yerə düşən hər damlada
canından can var buludun.
Torpaq yaşıllaşırsa,
çiçəklər açılırsa,
həna yaxsın oynasın,
bayramıdır torpağın.
Türkülər çiçəklərə söylənir,
öyünən torpaqdır nədənsə.
Sevgiylə bəslənən hər çiçəkdə
bir buludun gizli göz yaşları var.
Yəqin ona görədir ,
Hər çiçək görəndə
gözümüzün dolması.

HEYHAT

Kiçik- kiçik kağızlardan
gəmiciklər düzəldib,
içində gerçək adamlar,
kiçik körpələr,
qadınlar
səfərlərə yola salmışam-
gerçək dənizlərin ortasına .
Vay mənim küt başım,
tərk edin, tərk edin gəmiləri,
öncə uşaqlar, sonra qadınlar!

NƏ GÖZƏLDİ İNSAN OLMAQ

Ölümü bilə- bilə insanın
həyatı şənliyə çevirməsi nə gözəldi.
Doğulan körpəsinə sevinməsi,
şərbət içərək qeyd etməsi,
ilk dişi çıxdığında
diş hədiyi bişirməsi,
məktəbə yollayanda
qırmızı bant bağlaması,
həyatın hər anını
şənliyə çevirməsi
nə gözəldi.
Sonra aşiq olması,
Sevdiyini qısqanması,
Yeməkdən, içməkdən kəsilib
günlərcə xəstə yatması,
ölümü bilə- bilə insanın
sevdiyinə qovuşanda
sevincdən havaya uçması
nə gözəldi.

Böyüklərin əllərindən,
Kiçiklərin gözlərindən,
Dostlarının yanağından,
Sevdiyinin düz alnından
öpməsi,
mənalar yaratması
nə gözəldi.
Sevincini, acısını,
çörəyini dostlarıyla paylaşması,
acından öləcəyini bilsə də,
namərdə minnət etmədən
insanın dimdik durması
nə gözəldi.

BOYUN

Beləcə,
bükük buraxıb getdin boynumu.
El- aləm dik görsün, - deyə bir ömür.
Neçə ömür tükəddim bilirsənmi.
Neçə ömür.

DİABETİK ŞEİR

Qorxuram.
Aparacaqsa,
bu şəkər aparacaq məni.
Hey gidi, yalan dünya.
Mən gedəcəm,
D/adım qalacaq

Təqdim etdi Nazilə Gültac şair, tərcüməçi
“Könül Yolçusu “ layihəsinin Azərbaycan rəhbəri

Manevr.az ailəsi olaraq dəyərli dostumuz Coşqun Qarabuludu doğum günü münasibətilə təbrik edir, can sağlığı, yaradıcılıq uğurları diləyirik!