_99.jpg)
Manevr.az xəbər verir ki, bunu millət vəkili, iqtisadçı Vüqar Bayramov Avropada yaranan enerji böhranını şərh edərkən bildirib.
V.Bayramov xatırladıb ki, Rusiya "Şimal Axını 1" kəməri vasitəsi ilə Avropaya qaz nəqlini dayandırdı. “Rəsmi Moskvanın qaz təchizatının bərpası üçün irəli sürdüyü şərt Qərbin sanksiyaları ləğv etməsidir”, - deyən millət vəkili Rusiyaya qarşı 8-ci paket sanksiyaların müzakirə edildiyi bir zamanda Brüsselin Moskvanın bu şərti ilə razılaşacağına inanmır.
Onun sözlərinə görə, bu vəziyyət avropalılar üçün ciddi çətinliklər yaradacaq: “Bu isə o anlama gəlir ki, artıq Avropanın kiçik şəhərlərində deyil, eləcə də paytaxtlarında da soyuq qışa hazırlıq gedir.
Avropa İttifaqını gözləyən tutqun payız və buzlu qış fəsilləri qədim qitə üçün həm də iqtisadi təsirlər ilə müşahidə olunur. Avro tədavül tarixində dollar nisbətən ən ucuz məzənnə ilə təklif olunur. Avropa İttifaqında inflyasiya dərəcəsi avqust ayında 9.1 faizə yüksəlib. Bir ay öncə ittifaq ölkələrində orta qiymət artımları səviyyəsi 8.9 % idi. Ötən il isə bu rəqəm cəmi 2.2 % idi.
V.Bayramov yeni vəziyyətdən Avropa ilə yanaşı Rusiyanın da əziyyət çəkəcəyini və nəticədə daha böyük iqtisadi böhan riskinin yaranacağını qeyd etdi:
“Təbii ki, qlobal sanksiyalar artıq Rusiyanın makro-iqtisadi göstəricilərinə təsir göstərməkdədir. Şimal qonşumuzda bu ilin ikinci rübündə ÜDM 4.3 faiz azalıb. Rusiya Mərkəzi Bankının proqnozuna görə, üçüncü rübdə sanksiyalara məruz qalan iqtisadiyyat daha 7 faiz kiçiləcək. Bütövlükdə, 2022-ci ildə Rusiya iqtisadiyyatının 4-6 % intervalında azalacağı gözlənilir.
Göründüyü kimi, hər iki tərəf “va-bank” gedişlərə üstünlük verir. Bu isə dünya iqtisadiyyatında yeni və daha ağır iqtisadi böhran ehtimalını yaradır”.sfera.az
